Ապրիլի 27-ին Մեծ Բրիտանիայի արտգործնախարար Բորիս Ջոնսոնը հայտարարել է, որ «եթե Միացյալ Նահանգները խնդրի օգնել Սիրիայում ավիահարվածներ հասցնելու հարցում, ապա Միացյալ Թագավորության համար դժվար կլինի մերժել»: Այս մասին Ջոնսոնը հայտնել է BBC-ին տված հարցազրույցում:
Ջոնսոնը նշել է, որ նույն կարծիքին է նաև Մեծ Բրիտանիայի վարչապետ Թերեզա Մեյերը: Սակայն Միացյալ Թագավորության արտաքին գերատեսչության ղեկավարը նշել է, որ դեռևս պետք է հետազոտել այն հարցը, թե՞ արդյոք խորհրդարանը պետք է վավերացնի նմանատիպ որոշումը, թե ոչ:
Բրիտանիայի ԱԳՆ ղեկավարը մանսավորապես նշել է, որ խոսքը Սիրիայի նախագահ Բաշար Ասադի դեմ հնարավոր գործողությունների մասին է՝ քիմիական զենք կիրառելու պատճառով:
Մեծ Բրիտանիայում Սիրիա զորք մտցնելու, Սիրիայում ռազմական գործողություններ իրականացնելու հարցը քննարկում էին դեռևս 2013 թ.: Սակայն այն ժամանակ խորհրդարանը դեմ քվեարկեց նախկին վարչապետ Դևիդ Քեմերոնի նախաձեռնությանը:
Ավելի ուշ՝ 2015 թվականի դեկտեմբերի 3-ին, բրիտանական խորհրդարանը հավանություն էր տվել Սիրիայի տարածքում ԻՊ-ին հարվածներ հասցնելուն, սակայն դա չէր վերաբերում ցամաքային գործողություններին: Սակայն 2016 թ. հրապարակվեցին Սիրիայում բրիտանացի հատուկ ջոկատայինների լուսանկարներ:
Բրիտանացի հատուկջոկատայինները Սիրիայում. նկարը BBC-ի
Բրիտանացի հատուկջոկատայինները Սիրիայում. նկարը BBC-ի
Բրիտանացի հատուկջոկատայինները Սիրիայում. նկարը BBC-ի