Մոնղոլիան սեփական հակաօդային ուժերը զինելու և ամրացնելու համար խնդրանքով դիմել է Ռուսաստանին: Այս մասին հայտնել է Մոնղոլիայի պաշտպանության նախարար Բատ-Էրդենէ Բադմաայամբուուգիիյնը ՌԴ պաշտպանության նախարարի հետ հանդիպումից հետո. փոխանցում է «ՏԱՍՍ» գործակալությունը:
Բատ-Էրդենէ Բադմաայամբուուգիիյնը նշել է, որ Մոնղոլիայում մշակվել են ռազմական քաղաքականության նոր հիմունքներ, որոնց շրջանակներում էլ ռուսաստանյան կողմին խնդրել են սեփական հակաօդային ուժերի զինման և ամրացման համար:
Մոնղոլիայի ՊՆ ղեկավարը նշել է նաև, որ Ռուսաստանի 20 բարձրագույն ռազմաուսումնական հաստատություններում ուսանում են Մոնղոլիայի շուրջ 350 զինվորական:
Հատկանշական է, սակայն, որ Մոնղոլիան սահմանակցում է միայն Ռուսաստանին և Չինաստանի հետ, և հարց է առաջանում, թե իր հարևաններից որ մեկից է ցանկանում պաշտպանվել այս երկիրը:
Մոնղոլիային ռազմական ոլորտում օգնություն է տրամադրում նաև ԱՄՆ-ն: Մասնավորապես՝ 2017 թվականի համար ԱՄՆ ռազմական օգնության 4 ծրագրով Մոնղոլիան պետք է ստանա շուրջ 4 միլիոն ԱՄՆ դոլար: