Աֆղանստանի պաշտպանության նախարար Աբդուլահ Հան Հաբիբին և երկրի ԶՈւ գլխավոր շտաբի պետ Քադամ Շահ Շահիմը դադարեցրել են իրենց ի պաշտոնե ստանձնած պարտավորությունները: Այս մասին հայտնում է Աֆղանստանի նախագահի գրասենյակը:
Defence Minister Abdullah Habibi & Army Chief of Staff Qadam Shah Shahim stepped down with immediate effect.
— ارگ (@ARG_AFG) April 24, 2017
Reuters գործակալությանը Աֆղանստանի նախագահի մամուլի խոսնակ Աշրաֆ Ղանին հայտնել է, որ պաշտոնաթողությունները պայմանավորված են ապրիլի 21-ին Աֆղանստանի ԶՈւ ռազմաբազայի վրա հարձակմամբ:
Աֆղանական Pajhwok լրատվակայքը, սեփական աղբյուրներին հղումով անելով, հայտնում է, որ ՊՆ ղեկավարի ժամանակավոր պաշտոնակատար է նշանակվել գեներալ-մայոր Թարիֆ Շահ Բահրամին, իսկ գլխավոր շտաբի պետի ժամանակավոր պաշտոնակատար՝ գեներալ Մոհամմադ Շարիֆ Յաֆթալին:
Update; Tariq Shah Bahrami appointed as acting Afghan MoD minister and Sharif Yaftali as Army chief . souce
— Pajhwok Afghan News (@pajhwok) April 24, 2017
Ավելի վաղ՝ ապրիլի 21-ին Աֆղանստանում «Թալիբան» ահաբեկչական խմբավորման զինյալները հարձակվել են երկրի ԶՈւ Մազարի-Շարիֆի ռազմաբազայի վրա։ Սպանվել էր շուրջ 140 զինծառայող։ Նույն ռազմաբազայում՝ ՆԱՏՕ-ի խաղաղապահ ուժերի կազմում ծառայում են նաև ՀՀ ԶՈւ խաղաղապահ բրիգադի զինծառայողները: Արծրուն Հովհաննիսյանի փոխանցմամբ՝ նրանք չեն տուժել հարձակման արդյունքում:
Զինվորական համազգեստով 10 զինյալ հարձակվել է ռազմաբազայի վրա զինծառայողների աղոթքի ժամանակ։ Դարպասների մոտ ահաբեկիչներից մեկը պայթեցրել է իրեն, ինչին հետևել է մնացած զինյալների հարձակումը։ 10 ահաբեկիչներն էլ սպանվել են։