Սիրիայի Հոմս նահանգի Պալմիրա քաղաքի ականազերծմամբ զբաղվող ՌԴ ԶՈւ սակրավորները աշխատանքներում կիրառում են նաև ականազերծման համար նախատեսված նոր «Սկարաբեյ» ռոբոտային համալիրներ և անլար «Սֆերա» զննման միջոցներ:
Այս մասին ռուսաստանյան ՏԱՍՍ լրատվական գործակալությանը տեղեկացրել են այդ երկրի պաշտպանության նախարարությունից։
ՌԴ ԶՈւ սակրավորները Պալմիրայի ականազերծման աշխատանքներում կիրառել են նաև ականազերծման համար նախատեսված «Ուրան-6» ռոբոտը, իսկ այժմ ավելացել են նաև նոր միջոցներ:
«Սկարաբեյ» ռոբոտային համալիրը նախատեսված է մարդու համար դժվարհասանելի վայրերում աշխատելու համար:
Կայանը բաղկացած է հեռակառավարման վահանակից և չորսակնանի հիմքի վրա կառուցված հեռակարավարվող սարքից, որի վրա տեղադրված են տեսագրման և ձայնագրման սարքեր:
Հեռակարավարվող սարքը կշռում է 5.5 կիլոգրամ, բարձրությունը 15 սմ, իսկ աշխատանքի մաքսիմալ հեռավորությունը 250 մետր է:
«Սֆերա» զննման միջոցը ձայնագրությունների և տեսագրությունների հավաքման և փոխանցման միջոց է՝ գնդի կառուցվածքով: Կառուցվածքը և սարքի վրա տեղադրված 4 տեսախցիկները թույլ են տալիս ստանալ 360 աստիճանի տեսագրություններ:
Սարքը կշռում է 640 գրամ, իսկ աշխատանքի առավելագույն շառավիղը 60 մետր է:
Նշենք նաև, որ ականազերծման աշխատանքներում ռոբոտներ կիրառում են նաև ՀՀ ԶՈւ խաղաղապահները: