Իրանում արդեն տեղական դիպուկահար հրացանների զանգվածային արտադրություն են կազմակերպել, որոնք արդեն արտահանվել են այլ երկրներ: Այս մասին հայտնել է Իրանի բանակի ցամաքային զորքերի հրամանատար Քիոմարս Հեյդարին:
Հայդարին մասնավորապես նշել է, որ իրենց՝ նախկինում արտադրած «Շահեր» և «Բահեր» դիպուկահար հրացանների ծրագիրը հաջողվել է, իսկ ներկայումս հրացանները զանգվածային արտադրության են դրվել և արտահանվել են այլ երկրներ:
Իրանում ներկայացված 23մմ տրամաչափի «Բահեր» դիպուկահար հրացանը
Իրանն 23 մմ տրամաչափով«Բահեր» դիպուկահար հրացանը առաջին անգամ ներկայացրել էր 2015թ ապրիլին, իսկ առաջին անգամ փորձարկվել էր նույն թվականի հոկտեմբերին:
14,5 մմ տրամաչափով «Շահեր» դիպուկահար հրացանը, Իրանն առաջին անգամ ներակայացրել էր 2012-ին, իսկ 2014-ին ներկայացվել է հրացանի արդիականացված` «Պիկատինիի շերտաձողով» համալրված տարբերակը:
Իրանական արտադրության «Շահեր» դիպուկահար հրացան
Քիոմարս Հեյդարին նշել է նաև, որ բանակի բոլոր մարտական ուղղաթիռները համալրվում են գիշերային տեսանելիության սարքերով, որոնք ցուցադրվելու են ապրիլի 18-ին՝ Իրանի Բանակի օրվա հանդիսավոր արարողությունների ժամանակ: