Իրանի բանակի օրվա նախօրեին Թեհրանում կազմակերպվել է տեղական ռազմարդյունաբերական արտադրանքի ցուցադրություն։ Ի թիվս այլ զինտեխնիկայի, ներկայացվել են նաև տեղական «Ղահեր-313» (F-313) թեթև մարտական ինքնաթիռը և «Քոսար-88» ուսումնամարտական ինքնաթիռը` երկուսն էլ նախատիպերի տեսքով։
Սրանցից բացի, ապրիլի 17-ին անցկացված ցուցադրության ժամանակ Իրանի պաշտպանության նախարարությունը ներկայացրել է տեղական «Մոհաջեր» անօդաչու թռչող սարքի նոր տարբերակ` «Մոհաջեր-6» ԱԹՍ-ն, որը նաև կարող է կրել սպառազինություն։
Լուսանկարները՝ Իրանի ՊՆ կայքից: