Թուրքիայի օդուժը հարվածել է Իրաքում PKK-ի դիրքերը

Թուրքիայի ռազմաօդային ուժերը հարվածել են Իրաքի հյուսիսային Զապ շրջանում «Քրդստանի աշխատավորական կուսակցության» (PKK) դիրքերին: Ոչնչացվել է PKK 7 թաքստարան և կրակային դիրքեր: Այս մասին, Թուրքիայի ԶՈւ գլխավոր շտաբին հղում անելով,  հայտնում է Թուրքիայի պետական Anadolu լրատվական գործակալությունը:

F-16 կործանիչ. Թուրքիայի ՌՕՈւ

F-16 կործանիչ. Թուրքիայի ՌՕՈւ

Գործողությունը իրականացվել է թուրքական ռազմաբազայի վրա PPK-ի ծրագրավորած հարձակման ամսին հետախուզությունից տվյալներ ստանալուց հետո:

Ապրիլի 6-ին թուրքական իշխանամետ լրատվամիջոցներից մեկը հայտնել էր, որ ապրիլի 16-ի սահմանադրական փոփոխությունների հանրաքվեից հետո թուրքական զինուժը հնարավոր է ներխուժի Իրաքի տարածք: Ըստ այդ տեղեկությունների՝ Սիրիայում «Եփրատի վահանն» ավարտելուց հետո Թուրքիան մտադիր է «Տիգրիսի վահան» ռազմագործողություն սկսել Իրաքի Սինջարի լեռներում:

Ըստ լրատվամիջոցի տեղեկության՝ Թուրքիան փորձում է թույլ չտալ, որպեսզի Իրաքի հյուսիսում՝ Մոսուլից դեպի հյուսիս-արևմուտք ընկած Սինջարի լեռների տարածքում PKK «երկրորդ Քանդիլ» ստեղծի: Քանդիլում ներկայում քրդական կառույցի հիմնական ռազմաբազաներն են:

Բացի Թուրքիայի Իրաքի տարածքից, թուրքական զինուժը քրդերի դեմ ռազմական գործողություններ վարում է նաև հենց Թուրքիայում և Սիրիայի հյուսիսային շրջաններում:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *