Հալեպի շրջանից արևելք ընկած Դեյիր Հաֆիր քաղաքի մերզակայքում Սիրիայի կառավարական ուժերը շրջափակել են «Իսլամական պետություն» ահաբեկչական խմբավորման խոշոր խումբ, ընթանում են մարտեր:
Այս մասին հայտնել է ՌԴ ԶՈւ գլխավոր շտաբի օպերատիվ վարչության պետ, գեներալ-գնդապետ Սերգեյ Ռուդսկոյը, փոխանցում է «Ռիա Նովոստի» լրատվական գործակալությունը:
Ռուդսկոյը մասնավորապես նշել է.
Հալեպի նահանգի հյուսիս-արևելքում Սիրիայի կառավարական ուժերը և ժողովրդական աշխարհազորի ջոկատները, զարգացնելով առաջխաղացումը, Դեյր Հաֆրի քաղաքի շրջակայքում ամբողջովին շրջափակել են խոշոր ահաբեկչական խմբավորում, և ներկայումս իրականացվում է խմբավորման ոչնչացման գործողություն:
Ռուդսկոյը նշել է նաև, որ Ռուսաստանի օդուժը շարունակում է օժանդակել ԻՊ-ի դեմ կռվող սիրիական բանակին:
Դեյիր Հաֆիր ուղղությամբ մարտերը սկսել էին դեռ ամսվա սկզբից: Մարտի 22-ին Սիրիական կառավարական ուժերը կարողացել էին շրջափակել քաղաքը, իսկ մարտի 24-ին՝ վերահսկողություն սահմանել քաղաքում:
#IŞİD'in #DayrHafir'den çekilmesiyle kasabanın kontrolü #Suriye ordusuna geçti pic.twitter.com/ojEtBUFrFU
— Savunma Gündemi (@savunmagundemi) March 24, 2017
Հիշեցնենք նաև, որ մարտի 7-ին Սիրիայի կառավարական ուժերը «Իսլամական պետություն» ահաբեկչական խմբավորումից ազատագրել էին Հալեպ քաղաքին խմելու ջուր մատակարարող հիմնական ջրի կայանը: