Մարտի 15-ին ՊԲ հրամանատար, գեներալ-լեյտենանտ Լևոն Մնացականյանն այցելել է հարավարևելյան ուղղությամբ տեղակայված մարտական հենակետեր և տեղում պարգևները հանձնել փետրվարի 25-ին հակառակորդի կողմից ձեռնարկված հարձակողական գործողությունը չեզոքացնելու ընթացքում աչքի ընկած զինծառայողներին: Այս մասին հայտնում է ՊԲ կայքը:
Շնորհակալություն հայտնելով պարգևատրվածներին գերազանց ծառայության համար՝ բանակի հրամանատարը կոչ է արել չթուլացնել զգոնությունը և միշտ պատրաստ լինել կանխելու հակառակորդի հետագա սադրանքները:
Ռազմինֆոյի հետ զրույցում ՊԲ մամուլի ծառայության ղեկավար Սենոր Հասրաթյանը տեղեկացրեց, որ աչքի ընկած բոլոր զինծառայողները պարգևատրվել են «Արիության» և «Մարտական ծառայության» մեդալներով: