Իրանը նոր նավախումբ է ուղարկել Ադենի ծոցում և Բաբ էլ Մանդեբի նեղուցում հերթապահության

Իրանի բանակի ռազմածովային ուժերի 45-րդ նավախումբը՝ կազմված «Նաղդի» ականակիր նավից և «Թոնբ» թիկունքային ապահովման նավից, ուղևորվել է Ադենի ծոցում և Բաբ էլ Մանդեբի նեղուցում հերթապահության։ Այս մասին մարտի 13-ին տեղեկացնում է իրանական «Թասնիմ» լրատվական գործակալությունը։

Նավերը հերթապահության են ուղարկվել ՌԾՈւ 44-րդ նավախմբի ՝5-ամսյա հերթապահությունից վերադառնալուց հետո։ Այս մասին տեղեկացնում է իրանական «Ֆարս» լրատվական գործակալությունը։

Իրանական «Նաղդի» ականակիր նավը

Իրանական «Նաղդի» ականակիր նավը

Իրանական 44-րդ նավախումբը՝ կազմված «Ալվանդ» ռազմանավից և «Բուշեհր» թիկունքային ապահովման նավից, հերթապահության էր ուղարկվել 2016-ի հոկտեմբերին՝ իրանական 43-րդ նավախմբի Իրան վերադառնալուց հետո։

Նավախումբը  ապահովում էր իրանական նավարկող քաղաքացիական, առևտրային նավերի անվտանգությունը ծովահեններից  Ադենի ծովածոցում, Բաբ էլ Մանդեբի նեղուցում  և Կարմիր ծովում:

2016-ի հոկտեմբերին նավախմբին հաջողվել է Ադենի ծովածոցում  հետ մղել իրանական 2 առևտրային նավերի վրա ծովահենների հարձակումները:

Նոյեմբերին նավախումբը Աֆրիկայի հարավով մուտք է գործել Ատլանտյան օվկիանոսի ջրեր: Դա առաջին անգամն էր, որ Ատլանտյան օվկիանոս է մուտք  գործել իրանական ռազմանավ։

Ծովահենների մեկ այլ հարձակում նավախումբը կանխել է  2017-ի փետրվարին, Բաբ էլ Մանդեբի նեղուցում։

Իրանական նավերը Կարմիր ծովում և Ադենի ծովածոցում հերթապահություն են իրականացնում 2008 թվականից, երբ ծովահենները առևանգել էին իրանական բեռնատար նավ։

Իրանական «Ալվանդ» ռազմանավը

Իրանական «Ալվանդ» ռազմանավը

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *