Մարտի 7-ին Սիրիայի կառավարական ուժերը «Իսլամական պետություն» ահաբեկչական խմբավորումից ազատագրել են Հալեպ քաղաքին խմելու ջուր մատակարարող հիմնական ջրի կայանը: Այս մասին հայտնում է Reuters գերծակալությունը:
Սիրիայի Հալեպ քաղաքը. Օգոստոս 2016 թ.
Ջրի կայանը տեղակայված է Եփրատ գետի արևմտյան հատվածում՝ ալ-Խաֆսա բնակավայրում: Հալեպ քաղաքի բնակչությունը մոտ 2 ամիս զրկված է եղել խմելու ջրից: Համաձայն աղբյուրի՝ ջրակայանի գրավումը Սիրիայի կառավարական ուժերի հիմնական առաջնահերթություններից մեկն է եղել:
(UPDATE) MAP East #Aleppo province.#SAA take control #Khafsah and water pumping station which supplies Aleppo. pic.twitter.com/uRaj1pFMiw
— Military Advisor (@miladvisor) March 7, 2017
Ռուսաստանյան «ՏԱՍՍ» գործակալության փոխանցմամբ՝ այն բանից հետո, երբ Սիրիայի կառավարական ուժերը վերահսկողություն են սահմանել Հալեպ քաղաքում, ԻՊ զինյալները 2016-ի դեկտեմբերին «շարքից հանել են» քաղաքին ջուր մատակարարող կայանը:
Ավելի ուշ՝ 2017-ի փետրվարին ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը հայտնել էր, որ ԻՊ զինյալները վերահսկում են Հալեպ քաղաքին խմելու ջուր մատակարարող հիմնական աղբյուրները, ինչի հետևանքով հունվարի կեսից Հալեպի և հարակից տարածքների շուրջ 1,8 միլիոն մարդ զրկված է խմելու ջրից:
Հիշեցնենք, որ 2016-ի դեկտեմբերի 13-ին Սիրիայի իշխանությունները հայտնել են Հալեպն ամբողջությամբ զինյալ խմբավորումների վերահսկողությունից ազատագրելու մասին։