Թուրքիայի ժանդարմերիայի և ոստիկանական ուժերը գտել են Սիրիայի օդուժի՝ մարտի 4-ին Թուրքիայի հարավային Հաթայ նահանգում կործանված ինքնաթիռի օդաչուին: Այս մասին հայտնում է թուրքական «Հաբերթուրք» լրատվակայքը:
Գտնված օդաչուն է Մեթմեթ Սաֆֆան: Նա տեղափոխվել է Հաթայ նահանգի հիվանդանոց, որտեղ վիրահատության է ենթարկվել:
Pilot of the crashed Mig-21 jet said that, the jet shot down when he was flying on #Idlib.It was not technical failure. pic.twitter.com/1AP1zj7w3q
— Cemal (@Acemal71) March 5, 2017
Հիշեցնենք, որ մարտի 4-ին Սիրիայի օդուժի ՄիԳ-23 կործանիչը է ընկել Սիրիայի սահմանակից Հաթայ նահանգում, օդաչուն կարողացել է կատապուլտով փրկվել:
Ավելի վաղ Սիրիայում կռվող «Ահր ալ-Շամ» ահաբեկչական կառույցը տարածել է տեղեկություններ, թե իրենք են խոցել Սիրիայի օդուժի ինքնաթիռը, սակայն սիրիական ղեկավարությունը նշել է, որ ինքնաթիռը կործանվել է տեխնիակական թերությունների պատճառով: Փոխանցում է արաբական «Ալ Մասդար նյուզ» լրատվակայքը: