Փետրվարի 23-ին Բելառուսի Բոբրույսկ ռազմական օդանավակայանում այդ երկրի զինված ուժերին պատկանող ՄիԳ-29 կործանիչի շարժիչներից մեկն այրվել է՝ մինչ ինքնաթիռը կհասցներ օդ բարձրանալ: Օդաչուն հասցրել է կատապուլտի օգնությամբ դուրս նետվել, ինչի արդյունքում ընդամենը կոտրել է ոտքը: Այս մասին հայտնում է ռուսաստանյան «ՌԻԱ Նովոստի» լրատվական գործակալությունը:
Նշվում է, որ միջադեպից հետո Բելառուսի նշված ռազմական օդանավակայանում անորոշ ժամանակահատվածով դադարեցրել են բոլոր թռիչքները, այդ թվում՝ նաև ուղղաթիռների:
Վթարի վերաբերյալ հավելյալ տվյալներ չեն տրամադրվում, Բեռլառուսի պաշտպանության նախարարությունից հայտնել են, որ հիմնական տեղեկությունը, «այն ինչ պետք է ասվեր», արդեն ասվել է:
Նշենք, որ ընթացիկ շաբաթվա ընթացքում բելառուսական զինուժն անցկացնում է ռազմաօդային ուժերի հանկարծակի ստուգումներ: