Իրանի իսլամական հեղափոխության պահապնների կորպուսի (ԻՀՊԿ) ցամաքային ուժերի «Փեյամբար է ազամ-11» զորավարժությանը ներկայացվել է տեղական արտադրության «Սաեղե» կոչվող հակաուղղաթիռային ական։ Այս մասին փետրվարի 22-ին հայտնել է իրանական «Թասնիմ» լրատվական գործակալությունը։
Ականը գետնին տեղադրելուց հետո՝ «անձնակազմը» հեռվից պայթեցնում է այն, ինչից հետո մեծ քանակությամբ փոքրիկ ռումբեր են օդ բարձրանում (մինչև 500մ) և պայթում։
«Փեյամբար է ազամ-11» (Մեծն մարգարե) զորավարժությունը անցկացվել է փետրվարի 20-22-ը, Իրանի կենտրոնում, արևելքում, հյուսիս-արևելքում։
Զորավարժության ավարտական փուլին զինծառայողները Տ-72 տանկով, ԲՄՊ-2 և«Բորաղ» ( ԲՄՊ-1-ի իրանական տարբերակը) զրահափոխադրիչներով հարձակվել են պայմանական հակառակորդի դիրքերի վրա, ոչնչացրել նրա ստորաբաժանումները։ Հակառակորդի դիրքերին հարվածներ է հասցվել նաև հրետանիով։
ԻՀՊԿ ցամաքային ուժերի «Սաբերին» հատուկջոկատայինների գումարտակի զինածառայողները վնասազերծել են իրենց տեղակայման վայրին մոտեցող պայմանական հակառակորդի մահապարտ ինքնագնացները։
Վարժանքներին ներգրավվել են նաև Bel-206, Bel-214 ուղղաթիռներ, անօդաչու թռչող սարքեր։
Հիշեցնենք, որ զորավարժության առաջին փուլում կիրառվել էր «Միսաղ» շարժական զենիթահրթիռային համալիրը, «Ֆաջր-3/4/5» հրթիռները։