Սիրիայում սպանվել են իրանցի զինծառայողներ Մոստաֆա Զալնեժադը և Մեհդի Նեյմային։ Վերջինս սպանվել է Սիրիայի Համա քաղաքում մղվող մարտերի ժամանակ։ Այս մասին փետրվարի 12-ին և 14-ին տեղեկացրել է իրանական Qasemsoleimani.ir լրատվակայքը (1.2)։
Հիշեցնենք, որ հունվարին Սիրիայում սպանվել էր (ԻՀՊԿ) գեներալ, իրանա-իրաքյան պատերազմի վետերան Ղոլամալի Ղոլիզադեն, ով Սիրիայում սպանված իրանցի 10-րդ գեներալն էր արդեն։
Սիրիայում սպանված իրանցի զինծառայող Մոստաֆա Զալնեժադը
Իրանը ժխտում է Սիրիայում իր մարտական ստորաբաժանումների առկայությունը՝ հայտարարելով, որ այնտեղ զոհվող իրանցիները կամավորներ են, և Իրանը Սիրիա է ուղարկում միայն ռազմական խորհրդատուներ: Սիրիայում Իրանի գործողությունները համակարգում է ԻՀՊԿ «Ղոդս» ստորաբաժանումը՝ Ղասեմ Սոլեյմանիի հրամանատարությամբ:
Հիշեցնենք, որ նոյեմբերի 22-ին Իրանի շահիդների և վետերանների միության ղեկավար Մուհամեդ Ալի Շահիդի Մահալաթին հայտարարել էր, որ Սիրիայի պատերազմի ողջ ընթացքում Իրանի կողմից կռվող 1000-ից ավելի մարտիկ է զոհվել:
Սիրիայում սպանված իրանցի զինծառայող Մեհդի Նեյմային