Թուրքիայի ԱԳՆ-ն պնդում է, որ Ռաքքայում ԻՊ-ին գերադասում են քրդերից

Փետվարի 19-ին Մյունխենի անվտագության կոնֆերանսի շրջանակներում Թուրքիայի արտգործնախարար Մևլյութ Չավուշօղլուն հայտարարել է, իբր Սիրիայի Ռաքքա քաղաքի սուննի բնակչությունը եթե ընտրություն կատարի «Իսլամական պետության» և քրդերից ու արաբներից կազմված զինյալների միջև, ապա կընտրի իսլամիստներին։

Թուրքիայի ԱԳՆ ղեկավարը մասնավորապես շեշտում է այն հանգամանքը, որ Ռաքքայի բնակչությունը իսլամի սուննի ճյուղն է դավանում։ Այստեղ կարելի է ենթադրել, որ Թուրքիայի արտաքին գերատեսչության ղեկավարի հայտարարությունը պարունակում էր մասնավորապես Միացյալ Նահանգներին ուղղված մեկ հստակ ուղերձ․

«Ռաքքայում սուննիներ են, բնակչությունը կուզենա, որ նույն կրոնի մարդիկ վերահսկեն քաղաքը։ Քրդերն առավելապես աթեիստներ են, իսկ եթե ուզում եք ազատագրել Ռաքքան, ապա դիմեք սուննի Թուրքիայի օգնությանը»։

Սա հստակորեն բխում է Թուրքիայի ղեկավարության այն քաղաքականությունից, որ ԱՄՆ-ն Ռաքքայի գրավման գործողությունը պետք է վստահի ոչ թե քրդերին, այլ՝ Թուքիային։ Սակայն այս պահին քաղաքին անհամեմատ ավելի մոտ են հենց քրդական ուժերը։

Փետրվարի 18-ին Razm.info-ին տված հարցազրույցում հայտնի թուրք քաղաքագետ Ալի Բայրամօղլուն ևս կասկած էր հայտնել, որ ամերիկյան կողմն այդ առաքելությունը կվստահի Թուրքիային։ Ըստ Բայրամօղլուի՝ չնայած թուրքական կողմի հայտարարություններին, «ԱՄՆ-ն Ռաքքան քրդերին կթողնի»։

«Սիրիայի դեմոկրատական ուժեր» խմբավորումը սկսել է Ռաքքա քաղաքը ազատագրելու գործողությունը:

«Սիրիայի դեմոկրատական ուժեր» խմբավորումը սկսել է Ռաքքա քաղաքը ազատագրելու գործողությունը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *