Թուրքիայի զինուժը և նրան աջակցող «Սիրիայի ազատ բանակ» խմբավորման զինյալները «Իսլամական պետություն» ահաբեկչական խմբավորման զինյալներից գրավել են Սիրիայի հյուսիսային Ալ-Բաբ քաղաքի կենտրոնի 40 տոկոսը: Այս մասին հայտնում է թուրքական պետական «Անադոլու» գործակալությունը:
Թուրքիայի զինուժը Սիրիայի Ալ-Բաբ քաղաքի մոտակայքում
Ըստ աղբյուրի՝ Թուրքիայի զինուժը «Սիրիայի ազատ բանակ» խմբավորման հետ միասին վերահսկողություն է սահմանել Ալ-Բաբից մի քանի կմ հեռավարության վրա գտնվող Տադեֆ բնակավայրի ճանապարհի վրա՝ այդպիսով արգելափակելով Սիրիայի կառավարական ուժերի առաջխաղացումը Ալ-Բաբ քաղաքի ուղղությամբ:
Թուրքական մամուլի տվյալներով, Թուրքիայի զինուժը թուրք-սիրիական սահմանից մոտ 35 կմ խորացել է Սիրիայի տարածքում:
Փետրվարի 13-ին Թուրքիայի նախագահ Ռեջեփ Թայիփ Էրդողանը Բահրեյն, Սաուդյան Արաբիա և Քաթար այցելությունից առաջ հայտարարել է, որ Թուրքիայի զինուժի և «Սիրիայի ազատ բանակ» խմբավորման զինյալների Ալ-Բաբի կենտրոն մուտք գործելուց հետո, արդեն սկսվել է քաղաքից ԻՊ զինյալների հեռանալու գործընթացը: Փոխանցում է թուրքական «Հյուրիեթ» պարբերականի կայքը:
Էրդողանը կրկին հայտարարել է, որ Թուրքիայի նպատակը Սիրիայում ահաբեկչությունից ազատված 4-5 հազար կմ2 անվտանգության գոտի ստեղծելն է:
«Այնտեղ ահաբեկչությունից ազատված անվտանգության գոտի ստեղծելու համար մենք մի գործողություն ենք իրականացնում: Այդ գործողության ամենաարևելյան հատվածում Ջերաբլուսն է, ամենաարևմուտքում՝ Ալ-Ռաին: Դեպի հարավ առաջինը լուծվեց Դաբիք բնակավայրի խնդիրը, դրանից հետո գրեթե ավարտվել է Ալ-Բաբի խնդիրը: Այնուհետև օրակարգում են Մանբիջը և Ռաքքան»,- ասել է Էրդողանը:
Հիշեցնենք, որ հյուսիսից սիրիական Ալ-Բաբ քաղաքին մոտեցել էին թուրքական զինուժը և Թուրքիայի աջակցությամբ գործող զինյալները՝ հիմնականում տեղի թյուրքական ժողովուրդներից, իսկ հարավից էլ՝ Սիրիայի կառավարական ուժերը: Սրան հաջորդեց փետրվարի 9-10-ին «Սիրիայի ազատ բանակ» խմբավորման զինյալների հարձակումը սիրիական բանակի դիրքերի վրա Ալ-Բաբ քաղաքից հարավ ընկած տարածքներում:
2016-ի օգոստոսի 24-ից թուրքական զինուժը ներխուժել է Սիրիայի ցամաքային տարածք՝ հայտարարելով ԻՊ դեմ «Եփրատի վահան» ռազմական գործողությունը իրականացնելու և իր սահմանը գրոհայիններից «մաքրելու» մասին:
#Elbab'ta Geceyi Gündüz Gibi Aydınlatan Topçu Destek Atış Kıtasına Selam Olsun
ÇNRA ve M60T Atışları pic.twitter.com/qBTqYdqtZz
— Kirpi ve Kobra (@KirpiveKobra) February 11, 2017
Pingback: Սիրիայում սպանվել է Թուրքիայի ԶՈւ 1 զինծառայող, ևս 4 զինծառայող վիարվորվել է | Ռազմ.info
Pingback: Սիրիայում վիրավորվել է Թուրքիայի ԶՈւ 3 զինծառայող, սպանվել է թուրքամետ 7 զինյալ | Ռազմ.info