Փետրվարի 7-ին Հայաստանում տեղակայված ՌԴ ԶՈւ Հարավային ռազմական շրջանի ռազմաբազայում մեկնարկել են տանկային ստորաբաժանումների կրակային պատրաստության պարապմունքները: Վարժանքներն անցկացվում են «Ալագյազ» բարձրլեռնային զորավարժարանում: Այս մասին հայտնում է ՌԴ ՊՆ կայքը:
Վարժանքներին ներգրավվել են ՌԴ զինված ուժերի շուրջ 100 զինծառայող, շուրջ 30 միավոր զինտեխնիկա, այդ թվում հիմնականում Տ-72Բ տանկեր: Տանկերի անձնակազմը զորավարժության ժամանակ պետք է կանգնած տեղից և շարժման ընթացքում խոցի 500-2000 մ հեռավորության վրա տեղակայված թիրախները:
Վարժանքներին ներգրավվել են նաև անօդաչու թռչող սարքեր, որոնք օգտագործվում են պայմանական հակառակորդի թիրախները հայտնաբերելու, համապատասխան կոորդինատները տանկային ստորաբաժանումներին փոխանցելու նպատակով:
Pingback: Ռազմաշաբաթ. Հայաստան. 5 – 11 փետրվարի, 2017 | Ռազմ.info