2015 թվականի նոյեմբերին կնքած պայմանագրով Չինաստանին մատակարարվելիք 4 միավոր Կա-32Ա11ՎՍ ուղղաթիռների առաջին խմբաքանակը Չինաստանը կստանա մինչև տարեվերջ։ Մատակարարումները կշարունակվեն 2017 թվականին։ Այս մասին տեղեկացնում է ռուսաստանյան «ՌԻԱ նովոստի» լրատվական գործակալությունը։
Ավելի վաղ հայտնի էր դարձել, որ մինչև դեկտեմբերի 26 Ռուսաստանը Չինաստանին կմատակարարի 4 միավոր Սու-35 կործանիչներ։
Ռուսաստանյան արտադրության Կա-32Ա11ՎՍ ուղղաթիռ
Կումերտաուի ավիաարդյունաբերական ձեռնարկության արտադրության Կա-32Ա11ՎՍ ուղղաթիռները նախատեսված են որոնողափրկարարական, հիվանդների, վիրավորների տարհանման, հրդեհամարման աշխատանքների կատարման, ինչպես նաև պարեկության համար։
Արդյունավետ գործում է լեռնային և անտառային պայմաններում, կարող է վայրէջք կատարել փոքր նավերի տախտակամածերին, հորատման պլատֆորմերին, դժվարահասանելի կետերին։ Կառավարում է մեկ օդաչու, բեռանատարողությունը՝ 5 տոննա։