Հալեպում դադարեցվել է զինյալների տարհանումը, քանի որ վերջիններս խախտել են հրադադարի ռեժիմը, փորձել առևանգել մարդկանց և նրանց օգտագործել որպես կենդանի վահան: Այս մասին հայտնում է Reuters լրատվական գործակալությունը:
Ըստ արաբական SANA լրատվական գործակալության՝ զինյալները կրակ են բացել Հալեպի Ռամուսի շրջանում, փորձել զինամթերք տեղափոխել, ինչից հետո Կարմիր Խաչն ու Սիրիական կարմիր մահիկը շրջանից դուրս են բերել առաջին բուժօգնության մեքենաները:
Միաժամանակ Արևելյան Հալեպ տանող ճանապարհն են փակել ցուցարարները՝ պահանջելով տարհանել Իդլիբ նահանգի հակակառավարական ուժերի կողմից պաշարված Ֆոուա և Քեֆրայա շիական գյուղերի բնակչությանը:
Հիշեցնենք, որ Սիրիայի կառավարական ուժերի Հալեպ քաղաքի՝ զինյալ խմբավորումներից ազատագրումից հետո, քաղաքից տարհանվել է շուրջ 6400 մարդ, այդ թվում նաև մոտ տարբեր զինյալ խմբավորումների 3000 զինյալ:
Հալեպից մարդկանց տարհանումը իրականացնում է Ռուսաստանի՝ Սիրիայում կռվող զինյալ խմբավորումների հաշտեցման կենտրոնի կողմից, դրան աջակցում են նաև Կարմիր Խաչի միջազգային կոմիտեի աշխատակիցները:
Խաղաղ բնակչությանը և զինյալներին դուրս են բերվում նախապես ստեղծված տարանցիկ միջանցքներով:
Զինյալների և նրանց ընտանիքի անդամները հիմնականում տեղափոխվում են Սիրիայի հյուսիսարևմտյան Իդլիբ քաղաք:
Հիշեցնենք նաև, որ դեկտեմբերի 15-ին հայտնի է դարձել, որ Սիրիայի կառավարական բանակը զինյալներից ամբողջությամբ ազատագրել է Հալեպ քաղաքի 105 թաղամասերը՝ ընդհանուր առմամբ, 78,5 քառ. կմ տարածք:
Pingback: Հալեպից տարհանվել է շուրջ 2000 մարդ, այդ թվում նաև զինյալներ | Ռազմ.info