Երևանի «Էրեբունի» օդանավակայանում տեղակայված ռուսաստանյան ավիախմբի Մի-8ՄՏ բազմանպատակային և Մի-24Պ հարվածային ուղղաթիռների օդաչուները սկսել են գիշերային ժամերի թռիչքները: Այս մասին Ռազմինֆոյին հայտնել է ՌԴ ԶՈւ հարավային ռազմական շրջանի մամուլի ծառայությունը:
Երկշաբաթյա վարժանքների ընթացքում օդաչուները մշակելու են ուղղաթիռի ղեկավարման հնարքներ, մասնավորապես՝ թռիչքով վեր բարձրանալու և վայրէջքի առաջադրանքներ և թռիչքներ նշված երթուղիներով, գաղտնի իրականացնելու են տեղանքի հետախուզում, պայմանական հակառակորդի օբյեկտների հայտնաբերում և այլն:
Հատուկ առաջադրանքների իրականացման ժամանակ անջատված են լինելու ուղղաթիռների լուսավորման և ազդանշանների սարքերը:
Վարժանքներին ներգրավված են ավելի քան 50 օդաչուներ և հարվածային և բազմանպատակային ուղղաթիռները սպասարկող ինժեներներ:
Pingback: Ռազմաշաբաթ. Հայաստան. 11 – 17 դեկտեմբերի, 2016 | Ռազմ.info