ՆԱՏՕ-Վրաստան համատեղ ուսումնական կենտրոնում վրաստանցի զինծառայողներն անբարենպաստ բնակլիմայական պայմաններում գործելու վերապատրաստման դասընթացներ են անցնում: «Ցուրտ ձմեռ» մեկշաբաթյա դասընթացը կազմակերպել է ձմեռային մարտական գործողությունների նորվեգական կենտրոնը:
Այս մասին հայտնում է Վրաստանի ՊՆ մամուլի ծառայությունը:
Նորվեգացի հրահանգիչները վրաստանցի զինծառայողների համար հատուկ դասընթաց են անցկացրել
Վերապատրաստման տեսական դասընթացից հետո զորավարժարանում զինծառայողները յուրացրել են զենքը չոր պահելու, տեղանքում կողմնորոշվելու, ցուրտ կլիմայական պայմաններին դիմակայելու մեթոդներ:
Ապագայում նախատեսվում է այս դասընթացն անցկացնել ավելի լայն մասշտաբով:
