Դեկտեմբերի 5-ին ՀՀ Ազգային ժողովն առաջին ընթերցմամբ 94 կողմ, 0 դեմ, 4 ձեռնպահ ձայներով ընդունել է «Զինվորական ծառայություն անցնելու մասին» ՀՀ օրենքում փոփոխություններ և լրացումներ կատարելու մասին» օրենքի նախագիծը։ Այս մասին հայտնում է ՀՀ ԱԺ կայքը։
Ավելի վաղ՝ նոյեմբերի 10-ին, օրենքի նախագծին հավանություն էր տվել ՀՀ կառավարությունը։
[Լրացված] Դեկտեմբերի 30-ին ՀՀ նախագահ Սերժ Սարգսյանը ստորագրել է Ազգային Ժողովի ընդունած«Զինվորական ծառայություն անցնելու մասին» ՀՀ օրենքում փոփոխություններ և լրացումներ կատարելու մասին» օրենքը։
Օրենքի նախագծով նախատեսվում է ռազմաբժշկական բնույթի ռազմաուսումնական հաստատություններում սովորող զինծառայողների համար պարտադիր զինվորական ծառայության ժամկետում ներառել նաև ինտերնատուրայում ուսումնառության ժամկետը և նրանց սկզբնական սպայական կոչում շնորհել ինտերնատուրան ավարտելուց հետո:
Օրենքի ընդունումը, ըստ ՀՀ ՊՆ ներկայացրած հիմնավորման, կնպաստի իրավական կարգավորումների հստակեցմանը, ինչպես նաև կապահովի պարտավորությունների չկատարման դիմաց թափանցիկ, չափելի և արդյունավետ մեխանիզմների կիրառման ներդրումը:
Pingback: Ռազմաշաբաթ. Հայաստան. 4 դեկտեմբեր – 10 դեկտեմբերի, 2016 | Ռազմ.info