Նոյեմբերի 29-ին Սիրիայի կառավարական ուժերը քրդական զորաջոկատների օժանդակությամբ սկսել են առաջխաղացումը դեպի Հալեպից հյուսիս-արևելք ընկած Ալ Բաբ քաղաք՝ գրավելով քաղաքի մոտակայքում գտնվող Ազրաք գյուղը:
Այս մասին հայտնում է Al Masdar News լրատվակայքը՝ փոխանցելով սեփական աղբյուրներից ստացված տեղեկությունը:
Նշված բնակավայրը գտնվում էր Թուրքիայի օժանդակությամբ Սիրիայի Հալեպ քաղաքի հյուսիսային շրջաններում տեղակայված «Սիրիայի ազատ բանակ» խմբավորման, մասնավորապես՝ Սիրիայի թուրքմենների վերահսկողության տակ: Սակայն այդ խմբավորման աղբյուրները պնդում են, որ բնակավայրը դեռևս իրենց վերահսկողության տակ է:
According to my #FSA source #Azraq village still under #EuphratesShield forces, All the news shared #Assad or #YPG control it untrue
— Ahmad Alkhatib (@AhmadAlkhtiib) November 29, 2016
Միևնույն ժամանակ հակասական տեղեկություններ են տարածվում, որ նշված հատվածում «Իսլամական պետություն» ահաբեկչական խմբավորման զինծառայողները գերի են վերցրել Թուրքիայի ԶՈւ 2 զինծառայողի:
Ցանկացած պարագայում դեպքերի ընթացքը ցույց է տալիս, որ Սիրիայի կառավարական ուժերը վերջին շրջանում վերականգնում են վերահսկողությունը Հալեպի հյուսիսարևելյան շրջաններում, շարունակում են շարժվել դեպի Ալ Բաբ բնակավայրի կողմը: Միևնույն ժամանակ թուրքական զինուժը և նրա օժանդակությամբ գործող զինյալները նույնպես մոտեցել են Ալ Բաբին, և այն ԻՊ գրոհայիններից վերցնելու համար գործողություններ են վարում:
Նման զարգացումները կարող են հանգեցնել Սիրիայի կառավարական ուժերի և թուրքական զինուժի անմիջական բախումների: Այս տրամադրությունները երեկ՝ նոյեմբերի 29-ին հայտարարել էր նաև Թուրքիայի նախագահ Ռեջեփ Թայիփ Էրդողանը՝ նշելով, որ թուրքական զինուժը Սիրիայում գործողություն սկսել է Սիրիայի նախագահ Ասադի իշխանությունը տապալելու նպատակով:
Pingback: Սիրիայում ընթացող գործողություններում վիրավորվել է Թուրքիայի ԶՈւ 5 զինծառայող | Ռազմ.info
Pingback: Սիրիայում թուրքական բանակն անցել է իր համար գծված սահմանները. Լևոն Հովսեփյան | Ռազմ.info
Pingback: Սիրիայում ՌԴ ԶՈւ շարժական հոսպիտալի վրա հարձակումից սպանվել է ռազմաբժիշկ | Ռազմ.info
Pingback: Թուրքիան շարունակում է զենք կուտակել Սիրիայի սահմանին | Ռազմ.info