Նոյեմբերի 29-ին Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի զինված ուժերը և հիմնականում Սիրիայի թուրքմեններից կազմված «Սիրիայի ազատ բանակը» խմբավորումը Սիրիայում գործողություններ են սկսել երկրի նախագահ Բաշար ալ-Ասադի իշխանությանը վերջն դնելու համար:
«Թուրքիան Սիրիայի տարածքների նկատմամբ ոչ մի հավականություն չունի: Թուրքիայի զինուժը այնտեղ է Ասադի իշխանությունը տապալելու համար»,-ասել է էրդողանը:
Նույն օրը Ռուսաստանի պետդումայի նախագահի միջազգային հարցերով 1-ին տեղակալ Դմիտրիի Նովիկովը հայտարարել է, որ Ասադի իշխանությունը տապալելու մասին Էրդողանի հայտարարությունը դժվարացնում է սիրիական ճգնաժամի կարգավորման գործընթացը: Այս մասին հայտնում է ռուսաստանյան «ՌԻԱ Նովոստի» գործակալությունը:
Միևնույն ժամանակ Նովիկովն ընդգծել է, որ Ռուսաստանի դիրքորոշումը սիրիական ճգնաժամի նկատմամբ չի փոխվել:
«Ռուսաստանի դիրքորոշումը անփոփոխ է: Դրա հիմքում ընկած է այն, որ Ասադը համարվում է օրենքով ընտրված նախագահ, իսկ համաշխարհային ահաբեկչության դեմ պետք է պայքարել: Իմաստ չեմ տեսնում այս դիրքորոշումը վերանայելու մեջ»-ասել է նա:
Նշենք, որ սիրիական ճգնաժամը սկսել է 2011 թվականից: Մինչև այժմ Սիրիայի կառավարական զորքերը բախումների են գնում տարբեր ռազմական խմբավորումների զինյալների հետ:
Նշենք նաև, որ Ռուսաստանը Սիրիայի կառավարական ուժերին աջակցելու համար 2015-ի սեպտեմբերից ավիահարվածներ է հասցնում Սիրիայում ահաբեկչական խմբավորումների դիրքերին:
Հիշեցնենք, որ 2016 թ. օգոստոսի 24-ից թուրքական զինուժը ներխուժել է Սիրիայի ցամաքային տարածք՝ հայտարարելով ԻՊ դեմ ռազմական գործողություններ իրականացնելու և իր սահմանը իսլամիստ գրոհայիններից «մաքրելու» մասին:
Սակայն գործողությունների ընթացքը ցույց են տալիս, որ Թուրքիան կյանքի է կոչում Սիրիայում «անվտանգության գոտի» ստեղծելու նպատակները, ինչի հիմքում Սիրիայի տարածքում քրդերի հսկողության տակ գտնվող երկու տարածքների միավորումը բացառելն է:
Pingback: Սիրիայում թուրքական բանակն անցել է իր համար գծված սահմանները. Լևոն Հովսեփյան | Ռազմ.info
Pingback: Արևելյան Հալեպի գրավումը կտրուկ կփոխի ուժային բալանսը հօգուտ Ասադի. Հայկ Քոչարյան | Ռազմ.info
Pingback: Սիրիայում ՌԴ ԶՈւ շարժական հոսպիտալի վրա հարձակումից սպանվել է ռազմաբժիշկ | Ռազմ.info
Pingback: Թուրքիան Սիրիայում է քրդերի և ԻՊ դեմ պայքարելու համար․ Թուրքիայի ՊՆ | Ռազմ.info