Նոյեմբերի 23-ին Թուրքիայի ԶՈւ հրամանատարությունը ԶՈւ գլխավոր շտաբի պետ, բանակի գեներալ Հուլուսի Աքարի գլխավորությամբ այցելել է երկրի հարավային Քիլիս նահանգ և ստուգայցեր իրականացրել Սիրիայի սահմանին տեղակայված ԶՈւ ստորաբաժանումներ: Այս մասին հայտնում է Թուրքիայի ԶՈւ ԳՇ կայքը:
Հուլուսի Աքարին ուղեկցել է ԶՈւ ցամաքային զորքերի հրամանատար, բանակի գեներալ Սալիհ Զեքի Չոլաքը:
Աքարը նախ ստուգայց է կատարել Քիլիս նահանգում տեղակայված ցամաքային զորքերի 2-րդ սահմանային գումարտակի հրամանատարություն: Այնուհետև այցելել է նաև 3-րդ սահմանային գումարտակի հրամանատարություն:
Աքարին զեկուցել են նաև Սիրիայում Թուրքիայի զինուժի՝ «Եփրատի վահան» գործողության ընթացքի և վերջին իրավիճակի մասին:
Հիշեցնենք, որ նոյեմբերի 7-ին Թուրքիայի ԶՈւ հրամանատարությունը Աքարի գլխավորությամբ այցելել է Շանլըուրֆա (Ուրֆա) նահանգ, ստուգայցեր կատարել Սիրիայի հետ սահմանին տեղակայված ստորաբաժանումներ, իսկ նոյեմբերի 10-ին ստուգայցեր է կատարել Շրնաք նահանգի՝ Իրաքի հետ սահմանին տեղակայված ստորաբաժանումներ:
Հիշեցնենք, որ օգոստոսի 24-ից թուրքական զինուժը ներխուժել է Սիրիայի ցամաքային տարածք՝ հայտարարելով ԻՊ դեմ ռազմական գործողություններ իրականացնելու և իր սահմանը իսլամիստ գրոհայիններից «մաքրելու» մասին:
Սակայն գործողությունների ընթացքը ցույց են տալիս, որ Թուրքիան կյանքի է կոչում Սիրիայում «անվտանգության գոտի» ստեղծելու նպատակները, ինչի հիմքում Սիրիայի տարածքում քրդերի հսկողության տակ գտնվող երկու տարածքների միավորումը բացառելն է:
Նշենք, որ միևնույն ժամանակ վերջին շրջանում Թուրքիայի զինուժը տանկեր, այլ զրահատեխնիկա և հավելյալ զինանձնակազմ է տեղակայվում նաև Իրաքի հետ սահմանին:
Pingback: Թուրքիայի ԶՈւ ԳՇ պետն այցելել է Սիրիայի հետ սահմանային ստորաբաժանումներ | Ռազմ.info