Այսօր՝ նոյեմբերի 11-ին, Վրաստանի նախագահ Գեորգի Մարգվելաշվիլիի հրավիրած ազգային անվտանգության խորհրդի նիստում որոշում է ընդունվել Վրաստանի զինված ուժերի գլխավոր շտաբի պետ նշանակել բրիգադային գեներալ Վլադիմիր Չաչիբաիան: Այս մասին հայտնում է վրաստանյան Interpressnews լրատվակայքը:
[Լրացում] Նոյեմբերի 22-ին Վրաստանի նախագահի հրամանագրով Չաչիբաիան նշանակվել է Վրաստանի ԶՈւ ԳՇ պետ:
Մինչ ԶՈւ ԳՇ պետի տեղակալի պաշտոնը զբաղեցրած Չաչիբաիան նոր պաշտոնում կփոխարինի գեներալ-մայոր Վախթանգ Կապանաձեին, ով այդ պաշտոնում էր 3 տարի, և նրա ծառայության ժամկետը վերջացել էր:
Բրիգադային գեներալ Չաչիբաիան ԶՈւ ԳՇ պետի պաշտոնը զբաղեցրել է նաև 2008-2009 թվականներին՝ ռուս-վրացական պատերազմից հետո: Այնուհետ մինչև 2012 թվականը եղել է ԱՄՆ-ում Վրաստանի դեսպանի խորհրդական:
2012-ից մինչև 2015-ի սեպտեմբեր զբաղեցրել է Վրաստանի ԶՈւ ԳՇ պետի տեղակալի պաշտոնը, ինչից հետո նշանակվել է Աֆղանստանում ՄԱԿ առաքելության ռազմական գլխավոր խորհրդատու:
2016-ի սեպտեմբերին կրկին նշանակվել է Վրաստանի ԶՈւ ԳՇ պետի պաշտոնում, որն էլ զբաղեցնում էր մինչև ԶՈւ ԳՇ պետ նշանակվելը:
Չաչիբաիան Վրաստանի զինված ուժերում ծառայում է 1991 թվականից, Վրաստանի ազգային գվարդիայի կազմում 90-ական թթ. մասնակցել է Հարավային Օսիայում և Աբխազիայում ծավալված ռազմական գործողություններին, ինչպես նաև 2008թ. ռուս-վրացական պատերազմին: Կրթական կուրսեր է անցել Շվեյցարիայում, ԱՄՆ-ում և Բրիտանիայում:
Pingback: Ռազմաշաբաթ. Տարածաշրջան. 20 նոյեմբեր – 26 նոյեմբերի, 2016 | Ռազմ.info