Այսօր՝ կառավարության հոկտեմբերի 27-ի նիստում, որոշվել է ԱԱԾ֊ին ՀՀ կառավարության 2016֊ի պահուստային ֆոնդից հատկացնել 9 մլն 214 հազ. դրամ ՀՀ տարածքում երկաթուղով իրականացվող միջպետական ռազմական փոխադրումների, սպասարկումների և մատուցվող ծառայությունների դիմաց։ Այս մասին հայտնում է հայաստանյան «Արմենպրես» լրատվական գործակալությանը։
Մասնավորապես գումարը «Հարավկովկասյան երկաթուղի» փակ բաժնետիրական ընկերության մատուցած ծառայությունների դիմաց 2016 թվականի 2-րդ և 3-րդ եռամսյակներում կատարված ծախսերը փոխհատուցելու համար է:
Որոշման համաձայն՝ գումարը տրամադրվելու է ՀՀ և ՌԴ կառավարությունների միջև կնքված համաձայնագրերով Հայաստանում տեղակայված ՌԴ ԶՈւ զորամիավորումների, այդ թվում` սահմանապահ զորքերի և նրանց հասցեով ՀՀ տարածքում երկաթուղով իրականացվող միջպետական ռազմական փոխադրումների, երկաթուղային կայարաններում սպասարկումների և մատուցվող ծառայությունների ծախսերը փոխհատուցելու համար: