Այսօր՝ հոկտեմբերի 18-ին, Մոսուլի ազատագրման գործողության շրջանակներում Իրաքի կառավարական ուժերը կարողացել են «Իսլամական պետություն» (ԻՊ) ահաբեկչական խմբավորման վերահսկողությունից ազատագրել հնագույն Նեմրութ քաղաքը: Այս մասին հայտնում է Իրաքի քրդական ինքնավարության Rudaw գործակալությունը, Twitter-ի իր միկրոբլոգում:
#BREAKING: Iraqi flag raised in Nimrod as Iraqi military continue advance against Islamic State group. #MosulOffensive pic.twitter.com/AsXpGfSpZt
— Rudaw English (@RudawEnglish) October 18, 2016
Իրաքի կառավարական զորքերը քաղաքում բարձրացրել են Իրաքի դրոշը, ինչը տեսանելի է նաև հրապարակված լուսանկարում: Նշենք, որ ԻՊ-ն Նեմրութ քաղաքը գրավել էր 2015-ի մարտին, որից հետո ոչնչացրել է հնագույն քաղաքի բազմաթիվ անտիկ հուշարձաններ:
Հիշեցնենք, որ հոկտեմբերի 17-ին, Իրաքի վարչապետ Հայդար Ալ-Աբադին հեռուստատեսությամբ հայտարարել էր, «Իսլամական պետությունից» երկրի հյուսիսային Մոսուլ քաղաքի ազատագրման գործողության մեկնարկի մասին:
Բացի Իրաքի կառավարական ուժերից, Մոսուլի ազատագրման ցամաքային գործողություններին մասնակցում են նաև Իրաքի քրդական ինքնավարության Փեշմերգե զորաջոկատները, ինչպես նաև որոշակի սուննի խմբավորումներ: Օդային գործողություններին մասնակցում է ԱՄՆ-ի գլխավորած միջազգային կոալիցիան, սակայն առայժմ Թուրքիան անմիջականորեն չի ներգրավվել:
Քրդական ուժերը ևս կարողացել են մի շարք բնակավայրեր ազատագրել ԻՊ-ից և շարունակում են առաջ շարժվել:
Peshmerga troops have liberated all villages they were assigned to liberate on first day of #Mosul offensive against #ISIS. pic.twitter.com/eeEwf2GuSp
— Rudaw English (@RudawEnglish) October 18, 2016
Pingback: Իրաքյան ուժերը Մոսուլի մատույցներում ազատագրել են 220 քկմ տարածք | Ռազմ.info