Այսօր՝ հոկտեմբերի 12֊ին, Ռուսաստանի Դաշնային խորհուրդը վավերացրել է Սիրիայում ՌԴ ԶՈւ ավիախմբի՝ անորոշ ժամկետով և անհատույց տեղակայման համաձայնագիրը, որով միաժամանակ կապահովվի Ռուսաստանի անվտանգությունը և կուժեղացվի դաշնակցին օժանդակումը։ Այս մասին ռուսաստանյան Lenta լրատվակայքին հայտնել է Ռուսաստանի Դաշնային խորհրդի պաշտպանության և անվտանգության հանձնաժողովի փոխնախագահ Ֆրանց Կլինցևիչը։
Պաշտոնյայի կարծիքով` համաձայնագիրը դուրս է զուտ սիրիական խնդրի և միջազգային ահաբեկչության դեմ պայքարի սահմաններից և պետք է խոսել Ռուսաստանի դիրքավորման մասին ոչ միայն Սիրիայում և Մերձավոր Արևելքում, այլև ողջ աշխարհում։
Նշենք, որ ավելի վաղ՝ 2016-ի օգոստոսի 9-ին, Ռուսաստանի նախագահ Վլադիմիր Պուտինը պետդումայում ներկայացրել էր Սիրիայում ռուսաստանյան ավիախումբ տեղակայելու մասին Սիրիայի և Ռուսաստանի միջև 2015-ի օգոստոսի 26-ին կնքված անորոշ ժամկետով և անհատույց պայամանագիրը վավերացնելու մասին օրինագիծը:
Հայտնի է, որ բազայում դրվելու է նաև նոր ռադիոտեխնիկական սարքակազմ, այդ թվում նաև օդային շարժի ղեկավարման համակարգ, սակայն Ռուսաստանը իրավունք չի ունենա ռազմաբազայում մշտական հիմունքներով տեղակայել միջուկային զենք և ծանր ռմբակոծիչներ։
Pingback: Սիրիայում Ռուսաստանի ռազմածովային բազայի համաձայնագիրը կկնքվի կես դարով | Ռազմ.info