Հոկտեմբերի 3-ին Վրաստանի խորհրդարանում քննարկվել է պետբյուջեի նախագիծը: Վրաստանի ֆինանսների նախարարության ներկայացրած նախագծով 2017-ի համար ռազմական բյուջեն կազմելու է 743 մլն վրացական լարի (309 մլն ԱՄՆ դոլար): Այս մասին հայտնում է Վրաստանի խորհրդարանի կայքը:
Խորհրդարանում քննարկվելուց հետո բյուջեի նախագիծը ուղարկվելու է Վրաստանի կառավարության քննարկմանը, որտեղից էլ այն կրկին հետ է ուղարկվելու խորհրդարան՝ հաստատման:
Բյուջեի նախագծում ներառված է 32 մլն ԱՄՆ դոլար արժողությամբ (78 մլն վրացական լարի) վարկ ռազմական կարիքների համար:
2016-ին Վրաստանի ռազմական բյուջեն կազմել է 279 մլն ԱՄՆ դոլար (670 մլն վրացական լարի):