Սեպտեմբերի 30-ին ՀՀ պաշտպանության նախարարին կից կոլեգիայի հերթական նիստին քննարկվել են ՊՆ կադրային քաղաքականությանը, ՌՈւՀ-երում և ուսումնական զորամասերում մասնագետների պատրաստման խնդրահարույց հարցեր, ինչպես նաև զինված ուժերի անձնակազմի կառավարման, համալրման և «Հրամանատրում առաջադրանքի միջոցով» սկզբունքի ներդրման ընթացիկ աշխատանքները: Այս մասին տեղեկացնում է ՀՀ ՊՆ կայքը:
Մատնանշվել է, որ զգալի աշխատանքներ են տարվել անձնակազմի կառավարման ուղղությամբ` զորքերի համալրման, կադրային խնդիրների արդյունավետ լուծման՝ զինված ուժերի սպայական, ենթասպայական կազմի և քաղաքացիական հատուկ ծառայողների համալրվածությունն ապահովելու նպատակով:
Ամփոփելով կոլեգիայի նիստի աշխատանքները` պաշտպանության նախարարի պաշտոնակատար Սեյրան Օհանյանը զինված ուժերի մարտունակության առավել բարձրացման առումով ևս մեկ անգամ կարևորել է քննարկված հարցերի արդիականությունը: Քննարկումների արդյունքում առաջիկա անելիքների վերաբերյալ առաջադրվել են նաև որոշակի խնդիրներ:
Pingback: Ռազմաշաբաթ. Հայաստան. 25 սեպտեմբերի – 1 հոկտեմբերի, 2016 | Ռազմ.info