Ռուսաստանյան Տու-22Մ3 հեռահար ռմբակոծիչների սպառազինությունը նախատեսվում է համալրել X-32 (Խ-32) թևավոր հրթիռներով, սակայն ժամկետներ չեն նշվում: Արձակելուց հետո հրթիռը բարձրանում է շուրջ 40 կմ, ապա՝ ուղղվում դեպի թիրախը: Նշվում է շուրջ 1000 կմ հեռահարության մասին:
Military Russia պորտալի գլխավոր խմբագիրը նշում է, որ 40 կմ բարձրանալուց հետո հրթիռն անցնում է ուղղահայաց թռիչքի, ինչից հետո, մոտենալով թիրախին, խոցում է այն: Նախատեսված է հակառակորդի նավերի, ռադիոտեղորոշման կայանների, ինչպես նաև կամուրջների, ռազմաբազաների և մի շարք այլ խոշոր օբյեկտների ոչնչացման, վնասազերծման համար:
Հրթիռը կարող է խոցել թիրախը ենթադրաբար մինչև 1000 կմ հեռավորության վրա: Այս մասին հայտնում է «Իզվեստիա» լրատվակայքը:
Հրթիռը համալրված է իներցիալ նավիգացիայի համակարչգով, ինչպես նաև ռադիոտեղորոշման համակարգով համալրված ինքնաուղղորդվող մարտագլխիկով, ինչի շնորհիվ, ռուսաստանյան փորձագետի կարծիքով, խոցման ճշտգրտությունը կախված չէ CPS/«ԳԼՈՆԱՍՍ» համակարգերի տվյալներից: Այսինքն՝ արբանյակների խափանման դեպքում սարքն իներցիալ կարող է գնալ թիրախի ուղղությամբ:
ՌԴ ռազմաարդյունաբարեկան համալիրում լրատվամիջոցի աղբյուրը հայտնել է, որ Խ-32-ների փորձարկումը շուտով կավարտվի: Նոր թևավոր հրթիռը Խ-22 ընտանիքի արդիականացումներից է: Խ-32-ի ստեղծման աշխատանքները սկսել են 1990-ականների սկզբին, իսկ առաջին անգամ գործարկվել են մոտավորապես 2000-ականների կեսերին: 2013-ի ամռանը հայտնվել են առաջին լուսանկարները:
Հիշեցնենք, որ Տու-22Մ3 հեռահար ռմբակոծիչները Ռուսաստանը օգտագործում է նաև Սիրիայում ահաբեկիչների դիրքերին հարվածելու համար:
Pingback: Ռազմաշաբաթ. Տարածաշրջան. 21-27 օգոստոսի, 2016 | Ռազմ.info