Սիրիայում շարունակվում են կառավարական ուժերի և քրդերի բախումները

Սիրիայի Հասեքե քաղաքում վերսկսվել են քրդական Ժողովրդական ինքնապաշտպանության ջոկատների» (YPG) և Սիրիայի կառավարական ուժերի միջև բախումները, ինչի արդյունքում, ըստ քրդական կողմի՝ YPG-ն հաստատվել է Հասեքեին հարակից որոշ շրջաններում:

Սիրիական բանակի ֆեյսբուքյան ոչ պաշտոնական էջը դեռ օգոստոսի 21-ին հայտնել էր, որ  ռուսաստանցի բարձրաստիճան զինվորականի միջնորդությամբ  հրադադարի  պայմանավորվածություն էր ձեռք բերվել սիրիական կառավարական ուժերի և քրդերի միջև, որը պետք է ուժի մեջ մտներ նույն օրը՝ 17:00-ից: Սակայն նշվում է նաև, որ քրդերը երեկ՝ օգոստոսի 22-ին, խախտել են հրադադարի պայմանավորվածությունը՝ փորձելով գրավել Հասեքեի հարևանությամբ  սիրիական կառավարական ուժերի վերահսկողության տակ գտնվող որոշ տարածքներ:

Աղբյուրը նշվում է նաև, որ իրավիճակի  հետագա սրումներից խուսափելու համար հադիպում է կազմակերպվել ռուսաստանյան բարձրաստիճան զինվորականի և քրդերի հետ, սակայն արդյունքների մասին որևէ բան առայժմ չի հաղորդվում:

Քուրդ զինյալները Հասեքեում

Բացի այդ, քրդական ANF News գործակալությունը օգոստոսի 22-ին հայտնել էր, որ քրդական ուժերին հաջողվել է իրենց վերահսկողության տակ վերցնել Հասեքեի համալսարանը և ցորենի պահեստները: Նշվում էր, որ մարտերը հիմնականում ընթանում են Արևմտյան Նեշվայի և Խվերանի շրջաններում:

Reuters գոծակալությունը, հղում անելով քուրդ պաշտոնիային, հայտնում է, որ քրդերը մոտ են ամբողջ Հասեքեում վերահսկողություն սահմանելուն: Քրդերի կողմից որոշ տարածքներ գրավելու մասին են վկայում նաև Twitter-ում տարածվող գրառումները: Դրանցից մեկում նշվում է, որ քրդերը կարողացել են գերի վերցնել սիրիական կառավարական ուժերի շուրջ 230 զինվորականի:

#Hasekê Rojava Asayîşinin paylaştığı video. Rejim askerleri kamuflajı soyup kaçmış :) #TwitterKurds pic.twitter.com/axkolIDT6p

— Senar Duman (@Senardumn) August 22, 2016

Twitter-ի օգտատերերը նաև հայտնում են, որ Հասեքեից հետո սիրիական կառավարական օդուժը ռմբակոծել է նաև Հալեպից հյուսիս-արևմուտք ընկած Աֆրինը, նշվում է նաև, որ Ասադի ուժերը ուղղաթիռից թռուցիկներ են տարածել և սպառնացել քրդերին:

Սիրիայի կառավարական ուժերը ռմբակոծել են Աֆրինը

Հիշեցնենք, որ Սիրիայի քրդերի Ժողովրդական ինքնապաշտպանության ջոկատների» (YPG) հրամանատարությունը հայտնել էր, որ 2011 թ. սկսված սիրիական պատերազմի ընթացքում կառավարական օդուժը առաջին անգամ օգոստոսի 18-ին ռմբակոծել է Հասեքեում քրդերի դիրքերը:

Իրադրությունը Հասեքեում օգոստոսի 23-ի դրությամբ: Դեղինով նշված են քրդական ուժերի  հարձակման ուղղությունները, իսկ կարմիրով պատկերված են Սիրիայի կառավարական ուժերը:

Սիրիայում ուժերի տեղաբաշխումը 2016 թ. օգոստոսի սկզբին

Սիրիայի կառավարական ուժերից գրավված տարածքներ Հասեքեում

Սիրիայի կառավարական ուժերից գրավված տարածքներ Հասեքեում