Այսօր՝ օգոստոսի 23-ին, Բելառուսի «Օբուզ-Լեսնովսկի» զորավարժարանում մեկնարկել է ՀԱՊԿ հավաքական խաղաղապահ ուժերի «Անխախտելի եղբայրություն-2016» զորավարժությունը, որին մասնակցում են ՀԽՈւ կազմում ընդգրկված ՀՀ, Բելառուսի, ՌԴ, Ղազախստանի, Ղրղզստանի և Տաջիկստանի ԶՈւ, ինչպես նաև ոստիկանության ստորաբաժանումներ։Այս մասին հայտնում է ՀԱՊԿ մամուլի ծառայությունը:
Զորավարժությանը ներգրավված է 500 միավոր ավիացիոն, ավտոմոբիլային և զրահատանկային տեխնիկա: Վարժանքները կավարտվեն օգոստոսի 27-ին:
ՀԱՊԿ հավաքական խաղաղապահ ուժերը առաջին անգամ ՄԱԿ անվտանգության խորհրդի մանդատ կստանան և ճգմաժամային շրջանում կգործեն ՄԱԿ-ի խաղաղապահ ուժերի հետ: Զորավարժությանը հրավիրված են ՄԱԿ-ի քարտուղարության և «Կարմիր խաչ» միջազգային կոմիտեի ներկայացուցիչներ:
Վարժանքների մտահաղացումը նախատեսում է շեղում ընդունված կաղապարներից և մի շարք օգտակար նորամուծությունների մշակում, որոնք համատեղ համալիր գործողությունների անցկացման ընթացքում կօգնեն անդամ երկրների խաղաղապահ զորախմբերի միջև փոխըմբռնմանը և համագործակցությունը:
Նշենք, որ «Անխախտելի եղբայրություն-2016ը» թվով վեցերորդն է, նախորդ տարի այն անցկացվել է Հայաստանում:
Pingback: Բելառուսում շարունակվում է ՀԱՊԿ «Անքակտելի եղբայրություն-2016» զորավարժությունը | Ռազմ.info
Pingback: ՀԱՊԿ խաղաղապահ ուժերը առաջին անգամ «գործել են ՄԱԿ-ի մանդատով» | Ռազմ.info