Թուրքիայում հուլիսի 15-16-ի ռազմական հեղաշրջման փորձից հետո ընդունված որոշման համաձայն՝ երեկ՝ օգոստոսի 22-ին Թուրքիայի ԶՈւ ստորաբաժանումները սկսել են դուրսբերվել երկրի երկու խոշորագույն քաղաքներից՝ Անկարայից և Ստամբուլից: Այս մասին հայտնում է թուրքական պետական «Անադոլու» գործակալությունը:
Երեկ Ստամբուլի տարածքից դուրս են բերվել Թուրքիայի ԶՈւ ցամաքային զորքերի 1-ին բանակի 3-րդ բանակային կորպուսի 66-րդ մեխանիզացված հետևակային բրիգադի ենթակայության «Բաշբաթյա» զորանոցի զինտեխնիկան և անձնակազմը: Զորամասերի դուրսբերումը սկսել է նաև Անկարայում: Բոլոր զորամասերը Թուրքիայի երկու խոշորագույն քաղաքներից ամբողջովին պետք է դուրսբերվեն մինչև սեպտեմբերի 11-ը:
66-րդ մեխանիզացված զրահահետևակային բրիգադի հրամանատարությունը և անձնակազմը տեղակայվելու են Թեքիրդաղում: Անակարայից 28-րդ մեխանիզացված հետևակային բրիգադը տեղափոխվելու է Չանքըրը, ցամաքային զորքերի ցամաքային ավիացիայի հրամանատարությունը և անաձնակազմը՝ Սպարտա, զրահատանկային ուժերի դպրոցը և ուսումնական հրամանատարությունը՝ Շերեֆլիքոչիսարա:
Նշենք, որ Բաշբաթիայի զորանոցը 66-րդ մեխանիզացված զրահահետևակային բրիգադի 3 զորանոցներից մեկն է միայն: Մյուս երկու զորամասերը տանկային և հրետանային են, որոնք նույնպես քաղաքի տարածքից դուրս են բերվելու:
Հիշեցնենք՝ դեռևս օգոստոսի 12-ին Թուրքիայի պաշտպանության նախարարը հայտնել էր, որ Ստամբուլում և մայրաքաղաք Անկարայում տեղակայված զինվորական ստորաբաժանումները տեղափոխվելու են քաղաքներից դուրս:
Թուրքիայում ռազմական հեղաշրջման փորձի վերաբերյալ տեղեկություն կարող եք ստանալ հետևյալ հոդվածներում:
- Հեղաշրջման փորձից հետո Թուրքիայի ԶՈւ-ում նոր զինվորականներ են նշանակվել բարձր պաշտոնների
- Չստացված հեղաշրջումից հետո Թուրքիայում վերադասավորում են ուժային կառույցները
- Թուրքիայում ռազմական հեղաշրջման փորձին մասնակցել է ԶՈւ 8651 զինծառայող
- Թուրքիայի ԶՈւ գեներալակազմի 1/3-ը կալանավորվել է հեղաշրջման փորձի համար
- Թուրքիայում ռազմական հեղաշրջման փորձից հետո շուրջ 300 սպանված, 1500 վիրավոր
Pingback: Թուրքիան շարունակում է ԶՈւ ստորաբաժանումները դուրս բերել քաղաքներից | Ռազմ.info
Pingback: Թուրքիայում շարունակվում է ստորաբաժանումների դուրս բերումը Ստամբուլից և Անկարայից | Ռազմ.info
Pingback: Թուրքիան ուժային կառույցները տեղափոխում է Անկարայի կենտրոնից | Ռազմ.info
Pingback: Թուրքիայի զինուժը նոր ստորաբաժանումներ է դուրս բերել Ստամբուլից | Ռազմ.info