Հայաստանում ՌԴ ռազմաբազայի օդաչուները վարժանքներ են սկսել Մի-24 և Մի-8 ուղղաթիռներով

Հայաստանում «Էրեբունի» օդանավակայանում տեղակայված ռուսաստանյան ավիաբազայի բանակային ավիացիայի օդաչուները բարդ եղանակային պայմաններում վարժանքներ են անցկացնում բարձրլեռնային տեղանքներում: Վարժանքները շարունակվելու են մեկ ամիս: Այս մասին հայտում է ՌԴ ՊՆ կայքը:

Մի-24 հարվածային ուղղաթիռ

Մի-24 հարվածային ուղղաթիռ

Օդաչուները սովորում են թռիչքի ռեժիմում ճիշտ կողմնորոշվել, մշակում են ուղղությունը, արագությունը, բարձրությունը և ժամանակը պահելու հմտությունները:

Մի-24 և Մի-8 ուղղաթիռների անձնակազմները հատկապես ուշադրություն են դարձնում անվտանգության պահպանմանը, ամպամածության առկայության և բացակայության պայմաններում ուղղաթիռները ղեկավարելուն, նավիգացիոն սարքերով թռիչքի և վայրէջքի հմտություններին:

Նշենք, որ ավելի վաղ՝ հուլիսի 4-ին, «ՌԻԱ նովոստի» գործակալությունը հայտնել էր, որ Երևանի «Էրեբունի» ավիաբազայում տեղակայված ռուսաստանյան ավիախմբի օդաչուները սկսել են մարզվել և պատրաստվել Հայաստանում ՌԴ ԶՈւ 102-րդ ռազմաբազայի հուլիսին անցկացվելիք խոշոր զորավարժությանը:

ՌԴ ԶՈւ ՄիԳ-29 կործանիչը և ՀՀ ԶՈւ Մի-24 հարվածային ուղղաթիռը «Էրեբունի» օդանավակայանում. լուսանկարը ՌԴ 102-րդ ռազմաբազայի մամուլի ծառայության (արխիվ)

ՌԴ ԶՈւ ՄիԳ-29 կործանիչը և ՀՀ ԶՈւ Մի-24 հարվածային ուղղաթիռը «Էրեբունի» օդանավակայանում. լուսանկարը ՌԴ 102-րդ ռազմաբազայի մամուլի ծառայության (արխիվ)

One response to “Հայաստանում ՌԴ ռազմաբազայի օդաչուները վարժանքներ են սկսել Մի-24 և Մի-8 ուղղաթիռներով

  1. Pingback: Հայաստանում ՌԴ ռազմաբազայի օդաչուները թռիչքներ են սկսել ՄիԳ-29 կործանիչներով | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *