Թուրքական լրատվամիջոցները հայտնում են (1, 2), որ հուլիսի 15-16-ի ռազմական հեղաշրջման փորձի հետևանքով մինչ օրս մահացել է իշխանության 240 կողմնակից, այդ թվում՝ 173 քաղաքացիական, իսկ սպանված խռովարարների թիվը հասնում է 24-ի: Սակայն հուլիսի 16-ին Թուրքիայի ԶՈւ ցամաքային զորքերի 1-ին բանակի հրամանատար, բանակի գեներալ Ումիդ Դյունդարը հայտնել էր, որ սպավել է 104 խռովարար:
Իշխանության կողմնակիցներից սպանված 240-ի թվում են՝ 173 քաղաքացիական, 32 ոստիկան, 5 զինվորական: Վիրավորների թիվը հասնում է 1535-ի:
Մինչ օրս ռազմական հեղաշրջման փորձին մասնակցելու մեղադրանքով կալանավորվել է 8660 անձ, այդ թվում՝ 115 գեներալ և ծովակալ, 1350 միջին և ցածր սպայակազմի ներկայացուցիչներ, 4854 շարքային, սերժանտական, ենթասպայական դասի ներկայացուցիչ զինծառայողներ: Ընդհանուր՝ 6319 զինծառայող, ոստիկանության 210 զինծառայող, 481 զինվորական դատավոր և դատախազ, 650 քաղաքացիական աշխատող:
Կալանավորվածներից 990-ը դատարանի որոշմամբ ձերբակալվել է, այդ թվում՝ 17 գեներալ:
Բացի կալանավորումները և ձերբակալությունները՝ բազմաթիվ զինծառայողներ, քաղաքացիական աշխատողներ են աշխատանքից հեռացվել, ընդհանուր առմամբ՝ առնվազն 52 հազար անձ:
Մասնավորապես ներքին գործերի նախարարությունը հուլիսի 18-ի դրությամբ հեռացրել է 8777 աշխատակցի, այդ թվում՝ 4774 ոստիկանության զինծառայող, 614 ժանդարմ, առափնյա անվտանգության ուժերի հրամանատարին: աշխատանքից հեռացվել է նաև նախագահի գլխավոր ռազմակն խորհրդականը, կառավարության 257 աշխատակից:
Աշխատանքից ազատված դատավորների և դատախազների թիվը հուլիսի 16-ի դրությամբ հասնում էր 2745-ի: Թուրքիայի կրոնական գործերով վարչությունից հեռացվել է 492 աշխատակից:
Կրթության նախարարությունից հեռացվել է 15200 ուսուցիչ, շուրջ 20 հազար ուսուցչի լիցենզիան չի երկարաձգվել: Ընդհանուր առմամբ կրթական համակարգից դուրս է մնացել շուրջ 36 հազար ուսուցիչ:
Բացի նշվածներից աշխատանքից հեռացվել են նաև այլ կառույցների բազմաթիվ աշխատողներ:
Թուրքիայում հուլիսի 15-16-ին ձախողված ռազմական հեղաշրջման փորձի մասին կարող եք ընթերցել սույն հոդվածներում:
- Թուրքիայի ԶՈւ ԳՇ պետ Հուլուսի Աքարը վերադարձել է պարտականությունների կատարմանը
- Թուրքիայում 2-րդ բանակի հրամանատարի ժամանակավոր պաշտոնակատար է նշանակվել
- Թուրքիայում ռազմական հեղաշրջման փորձից հետո զինծառայողներ, տեխնիկա է անհետացել
- Թուրքիայի ՆԳՆ-ն հեռացրել է շուրջ 9 հազար աշխատակցի
- Թուրքիայի ԶՈւ գեներալակազմի 1/3-ը կալանավորվել է հեղաշրջման փորձի համար
- Ձախողված հեղաշրջում Թուրքիայում. առայժմ 161 սպանված, 1140 վիրավոր, 2389 ձերբակալված
- Հեղաշրջման փորձ Թուրքիայում․ իշխանության ուժերը հայտնում են, որ այն ճնշվել է
- Թուրքիայում ռազմական հեղաշրջման փորձում գլխավոր դերում ժանդարմերիան է
Pingback: Թուրքիայում արտակարգ դրություն է հայտարարվում | Ռազմ.info
Pingback: Թուրքիայում կալանավորված գեներալների թիվը հասել է 119-ի | Ռազմ.info
Pingback: Թուրքիայի ԶՈւ ստորաբաժանումները Անկարայից և Ստամբուլից դուրս կտեղակայվեն | Ռազմ.info