Թուրքիայում ռազմական հեղաշրջման փորձում գլխավոր դերում ժանդարմերիան է

Հուլիսի 16-ին՝ ժամը 04։50-ի սահմաններում թուրքական պետական «Անադոլու» լրատվական գործակալությունը հարապարակեց հեղաշրջման փորձի ծրագրմանը և ղեկավարմանը մասնակցած 37 զինվորականների ցուցակ։ Հիմնական մասը ժանդարմերիայի զինվորականներ են։ Ըստ հաղորդվող տեղեկության՝ հեղաշրջման փորձը ղեկավարել է Թուրքիայի ԶՈւ ԳՇ շարքերից վերջերս հեռացված, ԶՈւ ԳՇ գլխավոր իրավական խորհրդական, գնդապետ Մուհարրեմ Քյոսեն։

Ժամը 7։10-ի սահամներում Թուրքիայի վարչապետ Բինալի Յըլդըրըմը հայտնում է, որ սպանվել է հեղաշրջման փորձին մասնակցածմեկ գեներալ։ Ձերբակալվել է 130 զինվորական։

Ստամբուլում զինվորականները փակել են կամուրջներով անցուդարձը

Անկարայում և Ստամբուլում ռազմական հեղաշրջման նպատակով գործողություններ իրականացնելու ղեկավարման գործում ներգրավված են եղել ժանդարմերիայի, ԶՈւ և այլ ուժային կառույցների սպաներ, արտերկրում Թուրքիայի ռազմական կցորդներ։

Ղեկավարների կազմում մեծ թիվ են կազմում գնդապետներ, փոխգնդապետներ, մայորներ, ավագ լեյտենենանտներ, այդ թվում՝ նաև ռազմաօդային ուժերից։ Ըստ նույն տեղեկության՝ ներկայումս հայտնի է շուրջ 400 մասնակցի մասին։

Հեղաշրջման փորձի մասին առավել մանրամասն՝ հետևյալ հոդվածում։