Ռուսաստանի և Հայաստանի միջև վարկային համաձայնագրով սպառազինության ձեռքբերման պայմանավորվածության համաձայն զինատեսակների ցանկից արդեն իսկ որոշ մասը ձեռք է բերվել, բայց ոչ ամբողջական ցանկը: Այս մասին հայաստանյան Panorama.am կայքին այսօր՝ ապրիլի 15-ին, հայտնել է ՀՀ ԱԺ ՊԱԱՆԳ հանձնաժողովի նախագահ Կորյուն Նահապետյանը:
Պատգամավորի խոսքով՝ երկու երկրների պաշտպանության նախարարություններն աշխատում են սպառազինության մյուս մասի մատակարարման հարցերը լուծելու համար:
Նշենք, որ այսօր ավելի վաղ կառավարության որոշումներից մեկով ՀՀ պաշտպանության նախարարությանը հանձնարարել է Ռուսաստանի համապատասխան գերատեսչությունների հետ՝ գնվող սպառազինության անվանացանկը հստակեցնելու համար:
Հիշեցնենք, որ գնվող սպառազինության նախնական ցանկը հայտնի է դարձել 2016թ. փետրվարին, երբ ռուսաստանյան կողմը հրապարակել է պայմանագրի տեքստը: Ձեռք բերվող սպառազինության, զինամթերքի և այլ տեխնիկայի քանակի մասին պայմանագրում տվյալներ չկան։
One response to “Ռուսաստանից պատվիրած զենքի մի մասն արդեն մատակարարվել է Հայաստանին. Նահապետյան”