Իրավիճակն Արցախի առաջնագծում. օպերատիվ լրահոս. 04.04.2016

23:59
ՊԲ-ն հերքել է Մատաղիս բնակավայրը գրավելու վերաբերյալ ադրբեջանական կողմի տարածած անհիմն և սեփական պարտությունները մեղմելուն ուղղված հայտարարությունները: «Տեղեկատվությունն իրականության հետ որևէ կապ չունի: Ուղղակի հերթական անգամ հակառակորդ կողմը ցանկալին ներկայացրել է իրականության փոխարեն»,— ասվում է հաղորդագրությունում:

23:10
ՀՀ ՊՆ մամուլի քարտուղար Արծրուն Հովհաննիսյանը գրում է. «Իրենց խոցված տանկերի քանակը դարձավ 29»:

22:17

Արծրուն Հովհաննիսյանի հրապարակած լուսանկարները, որոնց մեջ պատկերված է Ադրբեջանի զինված ուժերի խոցված մարտական անօդաչու թռչող սարքը:

22:00
Մարտակերտի ճանապարհին հակառակորդը ԱԹՍ-ով խոցել է Սիսիանի ջոկատի ավտոբուսը: Կա 5 զոհ: Այս մասին «Արմենպրեսին» հայտնել է ՀՀ ՊՆ մամուլի խոսնակ Արծրուն Հովհաննիսյանը:

21:51
ՊԿ կայքն ամփոփել է օրը. Թշնամին առաջին անգամ կիրառել է ՏՕՍ-1 ծանր հրանետներ, հարվածային ԱԹՍ-ներ: Մարտերի ընթացքում հակառակորդը կորցրել է 5 տանկ, 3 հարվածային ԱԹՍ, տասնայկ զինծառայողներ և այլն: Միաժամանակ ՊՊ կայքը պատասխանել է Ադրբեջանի ՊՆ սպառնալիքներին, թե կհրթիռակոծեն Ստեփանակերտը: ՊԲ-ն Ադրբեջանի ռազմաքաղաքական ղեկավարությանը զգուշացրել է, որ նման զարգացումների դեպքում արձագանքը լինելու է անհամաչափ և ավելի ցավոտ:

20:21
Մարտերի 4 օրերի ընթացքում ադրբեջանական կողմի կորուստներն են.• 23 զինծառայող, որից 8 սպա-ենթասպա, բոլորը անուններով հաստատված
+ ավելի քան 100 զինծառայող, որոնց անունները դեռ հայտնի չեն• 20 տանկ
• 1 «Գրադ» ՀԿՌՀ
• 1 ՏՕՍ-1Ա հրանետ
• 6 զրահապատ մեքենա (այդ թվում՝ 1 ՀՄՄ, 1 ինժեներական մեքենա)• 2 ուղղաթիռ
• 6 անօդաչու թռչող սարք

20:01
Պաշտոնական.Մարտերի 4 օրերի ընթացքում հայկական կողմի կորուստներն են.• 20 զոհված զինծառայող, որից 6-ը սպա-ենթասպա
• 72 վիրավոր զինծառայող, որից 8-ը սպա-ենթասպա
• 26 անհետ կորած զինծառայող• 4 քաղաքացիական անձ, որից 1 երեխա• 3 դիրք հյուսիս (մարտերը շարունակվում են)
• 5 դիրք հարավ (մարտերը շարունակվում են)
(ընդհանուր մոտ 200-250 մետր ոչ բնակելի տարածք)

• 7 տանկ

Այս ամենը տրված է 04.04.2016 11:00 դրությամբ

Ասուլիսի ժամանակ այս ամենի մասին հայտնել է Պաշտպանության բանակի գնդապետ Վիկտոր Առուստամյանը, փոխանցում է Ռազմինֆոյի թղթակիցը:

17:31

ՀՀ նախագահ Սերժ Սարգսյանն այսօր ՀՀ ՊՆ կենտրոնական կլինիկական զինվորական հոսպիտալում այցելել է Արցախի հետ շփման գծում մարտական գործողությունների հետևանքով վիրավորված զինծառայողներին:

Նախագահը բժիշկներից հետաքրքրվել է վիրավորների առողջական վիճակով, իր զորակցությունը հայտնել զինծառայողներին, մաղթել նրանց շուտափույթ ապաքինում:

17:27

ՀՀ ՊՆ առաջին տեղակալ Դավիթ Տոնոյանը հրավիրել և ՊՆ-ում ընդունել է Հայաստանում Իրանի դեսպանության ռազմական կցորդին, ում հետ պարզաբանել է Իրանի տարածքում ընկած հրթիռների հարցը: Ճշտելով գյուղի աշխարհագրական կորդինատները, հայկական կողմը հայտնում է, որ նշված բնակավայրը գտնվում է արցախյան ուժերի թիկունքում, հետևաբար, հայկական ուժերի կողմից դրա հրետակոծումը քիչ հավանական է: Հանդիպման ընթացքում նշվել է, որ այս փաստը շատ նման է սադրանքի և չի բխում հայկական կողմի շահերից:

17:02
ՀՀ ՊՆ մամուլի խոսնակ Արծրուն Հովհաննիսյանն անդրադարձել է ադրբեջանական կողմի տարածած այն տեղեկությանը, թե իրենք հայկական ուժերի հրամանատարական կետ են ոչնչացրել, սպանվել են հայկական զինուժի գեներալներ և գնդապետներ. «Ադրբեջանական կողմը, հաշվի առնելով նախորդ անգամվա ծիծաղելի իրավիճակը, որում հայտնվել էր, այս անգամ ազգանուններ չի նշում: Սա էժանագին հնարք է, ուղղված սեփական հասարակության ոգու բարձրացմանը, այլապես լավ գիտեն, որ ազգանուն հնչեցնելու դեպքում, իբր զոհված գեներալն ու գնդապետները կես ժամից անձամբ կխոսեն»:Ինչ վերաբերում է «նախորդ անգամ» ասվածին, ապա հիշեցնենք, որ 2015-ի դեկտեմբերին ադրբեջանական կողմը տեղեկություն էր տարածել, թե իրենք սպանել են Պաշտպանության բանակի գնդապետներից Ջալալ Հարությունյանին: Տեղեկության տարածվելուց 1-2 ժամ անց ՊԲ մամուլի ծառայությունը տարածեց տեսանյութ, որտեղ ինքը՝ գնդապետ Հարությունը հերքում էր իր զոհվելու մասին կեղծ լուրերը:

16:08

ՀՀ նախագահ Սերժ Սարգսյանն ընդունել է ԵԱՀԿ անդամ երկրների դեսպաններին՝ Արցախի հետ շփման գծում ստեղծված իրավիճակի մասին տեղեկատվություն փոխանցելու նպատակով: Նախագահի ելույթից առանձնացրել ենք մի քանի ուշագրավ կետ.

• Հայաստանը` որպես 1994 թվականի Զինադադարի համաձայնագրի կողմ, շարունակելու է լիարժեքորեն կատարել Արցախի բնակչության անվտանգության ապահովման իր պարտականությունները: Ավելին, ես հրահանգել եմ ԱԳ նախարարությանը՝ աշխատել Լեռնային Ղարաբաղի հետ ռազմական փոխօգնության պայմանագիր կնքելու ուղղությամբ: Եվ այստեղ պետք է նշեմ՝ մեկ անգամ չէ, որ ես հայտարարել եմ, որ եթե, իրոք, ռազմական գործողությունները շարունակվեն և ստանան լայնածավալ մասշտաբ, Հայաստանի Հանրապետությունը ճանաչելու է Լեռնային Ղարաբաղի անկախությունը:

• Հայաստանը և Լեռնային Ղարաբաղը կողմ են, որպեսզի դադարեցվեն ռազմական գործողությունները և խստորեն պահպանվի 1994թ. զինադադարի ռեժիմը և որ բոլոր զորամիավորումները վերադառնան մինչև 2016թ. ապրիլի 1-ի իրենց զբաղեցրած դիրքերն ու զորանոցները:

• Ես ձեզ հավատացնում եմ, որ որևէ տարածք ադրբեջանցիները չեն ազատագրել, այս պահին ողջ շփման գծի երկայնքով ընդամենը մի փոքրիկ հատված հարավում և մի փոքրիկ հատված հյուսիսում, որ հույս ունեմ՝ մինչև մեր շփումն ավարտենք, այլևս այդ հատվածը հյուսիսում չի լինի, ընդամենը 200-300 մետր տարածք են գրավել ադրբեջանցիները՝ տալով ամեն մետրի համար մեկից ավելի զոհ: Պարզ է չէ՞, որ սրանով Ադրբեջանը կրկին մոլորեցնում է միջազգային հանրությանը և փորձում ստեղծել նախադրյալներ իր կողմից սանձազերծված ռազմական գործողությունները և դրանց հետագա շարունակությունը քողարկելու համար:

Ստորև՝ նախագահի ելույթի տեսագրությունը.

15:55

Ադրբեջանի ՊՆ մամուլի քարտուղարը հայտարարել է, թե հայկական կողմի տարածած նկարները, որոնցում երևում են ադրբեջանցի հատուկջոկատային զինծառայողների դիակները, կեղծ են և արված են Դոնբասի հակամարտության գոտում:

Դրան ի պատասխան Ռազմինֆոն ադրբեջանցիների ուշադրության է ներկայացրել լուսանկարներ, որոնց մեջ երևացող մեքենայի պետհամարանիշը հայկական է և ապացուցում է, որ լուսանկարները հայկական տարածքում են արված:

15:55
ՀՀ ՊՆ մամուլի քարտուղար Արծրուն Հովհաննիսյանի գրառումների հիման վրա Ռազմինֆոն ներկայացրել է հայկական զինուժի զոհված զինծառայողների մի մասի անունները և ծառայողական որոշ տվյալներ:

15:29

Ապրիլի 4-ին հայտնի է դարձել Ադրբեջանի ԶՈւ սպանված ևս մեկ զինծառայողի` սպա Մամադով Ռասիմ Աբդյուլ օղլուի (Məmmədov Rasim Əbdül oğlu) մասին: Սպանված սպան ծառայում էր Ադրբեջանի Ֆիզուլիի շրջանի Հորադիս գյուղաքաղաքում: Զինծառայողը Ադրբեջանի մարդկային կորուստների՝ Ռազմինֆոյի հավաքած ցուցակում 22-րդ սպանվածն է:

15:20

ՀՀ ՊՆ մամուլի խոսնակը ներկայացրել է հայկական զինուժի զոհված զինծառայող, կապիտան Արմենակ Ուրֆանյան և նրա ստորաբաժանման սխրանքը. «Կապիտան Ուրֆանյանը իր անձնակազմի հետ միասին երկար մարտի է բռնվել հակառակորդի հետ: Հակառակորդի գերազանցող ուժերի ճնշման տակ անձնակազմին հետ ուղարկելով միայնակ շարունակել է մարտը, խոցելով մեկ տանկ և մոտ մեկ տասնյակ թշնամու զինվոր: Վերջում մի քանի նռնակներ նետելով չի թողել իրեն շրջապատեն ու վերջին նռնակով իր հետ միասին պայթեցրել է մոտեցողներին: Փառք մեր հերոսներին»:

15:14
Արծրուն Հովհաննիսյանի հրապարակած տեսանյութում Ադրբեջանի ԶՈւ ուղղաթիռը խոցած նռնականետորդ Նարեկ Մալխասյանը պատմում է գործողության մասին:

14:57
ՀՀ ՊՆ մամուլի քարտուղար Արծրուն Հովհաննիսյանը հայտնում է. Հաստատված տեղեկությունների համաձայն ադրբեջանական ստորաբաժանումների մարտունակությունը այնքան է ընկել, որ անգամ չեն կարողանում օգնել բազմամյա ահաբեկչական փորձ ունեցող վարձկանները: Ներկայումս այդ հատվածում Ադրբեջանը 1994թ. նման կիրառում է պատժիչ ջոկատներ, որոնք գնդակահարում են նահանջողներին:

14:24
Ապրիլի 4-ին Ադրբեջանի Յարդըմլը շրջանի Օնուբա գյուղում հուղարկավորվել է ապրիլի 2-ի լույս 3-ի գիշերը սպանված Ադրբեջանի ԶՈւ զինծառայող, 1996 թ. ծնված Միրզաև Նյուրեդդին Էթիմադ օղլուն (Nürəddin Etimad oğlu Mirzəyev): Զինծառայողը Ադրբեջանի մարդկային կորուստների՝ Ռազմինֆոյի հավաքած ցուցակում 21-րդ սպանվածն է:

14:20
Ապրիլի 2-ին հայկական ուժերի դեմ մարտերում սպանված Ադրբեջանի ԶՈւ զինծառայող Բաղըրով Սերխան Ազար օղլուն (Sərxan Azər oğlu Bağırov) այսօր հուղարկավորվել է Ադրբեջանի Գյոյգյոլի շրջանի Ալմադադլու գյուղում: Զինծառայողը Ադրբեջանի մարդկային կորուստների՝ Ռազմինֆոյի հավաքած ցուցակում 20-րդ սպանվածն է:

13:52
Ապրիլի 4-ին հայտնի է դարձել ապրիլի 3-ի գիշերը Ֆիզուլիում հայկական ուժերի դեմ մարտերում սպանված Ադրբեջանի ԶՈւ ևս մեկ զինծառայողի` Նովրուզով Ֆերահիմ Ադըշիրին օղլուի մասին (Novruzov Fərahim Adışirin oğlu): Զինծառայողը Ադրբեջանի մարդկային կորուստների՝ Ռազմինֆոյի հավաքած ցուցակում 19-րդ սպանվածն է:

12:52
Ապրիլի 4-ին հայտնի է դարձել Թարթառում հայկական ուժերի դեմ մարտերում սպանված Ադրբեջանի ԶՈւ ևս մեկ զինծառայող, պայմանագրային հետախույզ Գարաև Դիլսուզի (Qarayev Dilsuz) մասին: Զինծառայողը Ադրբեջանի մարդկային կորուստների՝ Ռազմինֆոյի հավաքած ցուցակում 18-րդ սպանվածն է:

12:22
Ռազմինֆոն մի տեղում է հավաքել ադրբեջանցի սպանված և ինքնությունը պարզված զինծառայողների անունները: Այս պահին Ադրբեջանի հայտնի կորուստները 17 հոգի են (լրացվում է):

12:00
ՀՀ ՊՆ մամուլի խոսնակ Արծրուն Հովհաննիսյանը հայտնում է. Լավ լուրերից հերթական մեկը. Փաստորեն այսօրվա խոցված 5-6 տանկերից (հայտնել ենք ավելի վաղ — Ռազմինֆո) մի քանիսը հարավում են եղել: Ադրբեջանական ստորաբաժանումը շրջափակման մեջ է ընկել հարավային ճակատում և ամբողջովին ջախջախվել է, թողնելով կենդանի ուժի և զրահատեխնիկայի կորուստներ:

10:59
Արցախի Հանրային հեռուստատեսության տեսանյութ. Մոտ 200 կամավոր հավաքվել է Ստեփանակերտում՝ Արցախի առաջնագիծ մեկնելու: Սպասվում է կամավորների նոր խմբերի ժամանում:

10:51
ՊԲ կայքը հայտնում է. Թշնամին կորցրել է 5 տանկ (ընդհանուրը դարձավ 20 տանկ): Ճակատի հյուսիսարևելյան և հարավարևելյան ուղղություններում նախաձեռնությունը հայկական ուժերի ձեռքում է:

10:26
Ադրբեջանի ՊՆ-ն հայտնում է, որ ապրիլի 3-4-ի գեշերը հայկական ստորաբաժանումների հետ մարտերում սպանվել է 3 ադրբեջանական զինծառայող: Ընդհանուր վերջին 2 օրը Ադրբեջանի ՊՆ-ն խոստովանել է 15 զինծառայողի կորուստ, թեև նրա կորուստները բազմապատիկ ավելի շատ են: Ռազմինֆոն շարունակում է բացահայտել ոչնչացված ադրբեջանցի զինծառայողների ինքնությունները՝ կորուստները հաստատելու համար: Ներկայում հաստատված է թշնամու 17 կորուստ:

09:13

08:28

Կամավորները Ստեփանակերտում՝ դիրքեր մեկնելուն սպասելիս.

https://t.co/jKiljHFsZw#KarabakhNow #NKpeace pic.twitter.com/ehGeBaVbJe

— Asatur Yesayants (@Asojan) April 4, 2016