Մարտի 1-ին ՀՀ պաշտպանության նախարարի առաջին տեղակալ Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավար Կարոլին Դույեզին: Այս մասին տեղեկացնում է ՀՀ ՊՆ կայքը:
Հանդիպման ընթացքում կողմերը քննարկել են երկկողմ համագործակցության ընթացիկ խնդիրներն ու առաջիկա ծրագրերը, ինչպես նաև պատրաստակամություն են հայտնել շարունակել համատեղ աշխատանքները՝ ի նպաստ միջազգային մարդասիրական իրավունքի նորմերի իրագործմանը:
Ավելացնենք, որ նախօրեին՝ փետրվարի 29-ին էլ Արցախի ԱԳ նախարար Կարեն Միրզոյանն ընդունել է Արցախում Կարմիր խաչի միջազգային կոմիտեի (ԿԽՄԿ) առաքելության ղեկավար Դրագոսլավ Բլաժևիչին, ում հետ քննարկել է Արցախում ԿԽՄԿ հետ անցկացվելիք ծրագրերը. տեղեկացնում է Արցախի ԱԳՆ կայքը:
Pingback: Ռազմաշաբաթ. Հայաստան. 28 փետրվարի – 5 մարտի, 2016 | Ռազմ.info