Razm.info մասնագիտացված կայքը բաց աղբյուրների մշտադիտարկման շնորհիվ 2016 թ. հունվարին Ադրբեջանի պաշտպանական և անվտանգության համակարգերում արձանագրել է մահվան 2 դեպք։
Մահվան երկու դեպքն էլ գրանցվել է զինված ուժերում: Դրանցից մեկը մարտական է, մեկը՝ պատահարի արդյունք:
• Հունվարի 18-ին Բաքու-Ղազախ մայրուղում՝ Ալաթ (Ələt) բնակավայրի մոտակայքում, ավտովթարի արդյունքում մահացել է Աղսու շրջանի Բիջո գյուղի բնակիչ, 1988-ին ծնված Օրխան Գարաև Յաշար օղլուն (Orxan Qarayev Yaşar oğlu), ով, ադրբեջանական Avtosfer լրատվակայքի փոխանցմամբ, Ադրբեջանի ԶՈւ պայմանագրային զինծառայող էր։ Ադրբեջանի պաշտպանության նախարարությունn այս զինծառայողի կորստի մասին չի հայտնել:
• Հունվարի 29-ին՝ ժամը 15:00-ի սահմաններում, հայ-ադրբեջանական սահմանին «հայկական կողմի հարձակման հետևանքով» սպանվել է Ադրբեջանի ԶՈւ՝ Լենքորանից զորակոչված 19-ամյա զինծառայող Սաֆարով Նահիդ Ֆիքրեթ օղլուն (Səfərov Nahid Fikrət oğlu): Կորստի մասին հայտնել է Ադրբեջանի պաշտպանության նախարարությունը:
Հայկական զինուժի կորուստները՝ այստեղ։
Pingback: Ռազմ.info