Դեռևս 2011-ին Ադրբեջանի պատվիրած ԲՄՊ-3 հետևակի մարտական մեքենաների մատակարարումը Ռուսաստանն ավարտելու է 2016-ին։ Այս մասին ռուսաստանյան «ՏԱՍՍ» գործակալությանը հայտնել է ՀՄՄ-ներն արտադրող «Տրակտորային գործարաններ» ընկերության ներկայացուցիչը։
Ադրբեջանի և Ռուսաստանի այս գործարքի մասին հայտնի էր դարձել շատ ավելի շուտ՝ դեռևս 2013-ի դեկտեմբերին։ Ըստ գործարքի՝ Ռուսաստանը Ադրբեջանին 220 մլն ամերիկյան դոլարի դիմաց մատակարարելու էր 91 միավոր ԲՄՊ-3 հետևակի մարտական մեքենաներ (մեկ միավորի համար մոտ 2,4 մլն դոլար)։
Տեղեկությունը հայտնող ռուսաստանյան «Զենքի համաշխարհային առևտրի վերլուծության կենտրոնը» նշում էր, որ պայմանագիրը կնքվել է 2011-ին, և այն ժամանակ նախատեսվում էր, որ մատակարարումը կավարտվի 2013-ին։
Իր ավելի ուշ՝ 2015թ. նոյեմբերին հրապարակած զեկույցում, սակայն, նույն կենտրոնը նշել է, որ գործարքը կատարվելու է 2013-2015 թվականներին, ինչը նույնպես, փաստացի, չի հաջողվել։
Ադրբեջանի՝ ԲՄՊ-3 հետևակի մարտական մեքենաներ գնելու վերաբերյալ առաջարկում ենք կարդալ նաև «ԲՄՊ-3, թե՞ ԲՄՊ-2. Ադրբեջանի կնքած գործարքի համատեքստում» հոդվածը։
Pingback: Ռուսաստանի՝ Ադրբեջանին չմատակարարած սպառազինությունը | Ռազմ.info
Pingback: 2015-ին Ադրբեջանին վաճառված ռուսաստանյան սպառազինության քանակը | Ռազմ.info