Դեկտեմբերի 4-ին Թուրքիայի զինված ուժերը շուրջ 150-հոգանոց հատուկջոկատայինների գումարտակ, ինչպես նաև տանկեր են տեղակայել Իրաքի Մոսուլ քաղաքի մոտակայքում՝ քրդական ինքնավարության Փեշմերգե զինված ուժերին մարզելու պատրվակով:
Այս մասին հայտնում են թուրքական «Անադոլու», «Դողան», «Իհլաս հաբեր», ինչպես նաև բրիտանական Reuters լրատվական գործակալությունները:
Թուրքական պետական «Անադոլու» լրատվական գործակալությունը, փոխանցելով Իրաքում սեփական աղբյուրներից ստացված տեղեկությանը, նշում է, որ շուրջ 20-ից 25 տանկերի ուղեկցությամբ 150-ին մոտ թուրքական հատուկջոկատայինները ցամաքային ճանապարհով հասել են Իրաքի Մոսուլ քաղաքին մոտ գտնվող Բեշիքա շրջան: Այս ստորաբաժանումը փոխարինել է շուրջ 2,5 տարի այդ շրջանում Հյուսիսային Իրաքի քրդական ինքնավարության Փեշմերգե զինված ուժերի մարզող թուրքական ստորաբաժանմանը:
«Դողան» լրատվական գործակալությունը փոխանցում է, որ մոտ օրերս փոխարինված ստորաբաժանումը կվերադառնա Թուրքիա: Գործակալությունը նաև զետեղել է տանկերի տեղափոխման տեսագրություն՝ նշելով, որ դա Մոսուլ ուղարկված տանկերն են:
Քրդական Rudaw լրատվակայքը ևս անդրադարձել է այս հարցին՝ նշելով, որ Թուրքիայի կառավարությունից ստացած տեղեկության համաձայն՝ թուրքական ստորաբաժանումն իրոք տեղակայվել է Մոսուլի շրջակայքում: Սակայն Փեշմերգերի Բեշիքայի զորամիավորման հրամանատար Բեհրամ Արիֆ Յասինը հերքել է այդ լուրը՝ նշելով, որ դա ընդամենը պրոպագանդայի նպատակ ունի:
Օրերս Իրաքի վարչապետ Հեյդար Ալ-Աբադին հայտարարել էր, որ Իրաքը ոչ մի պետությունից չի խնդրել ցամաքային ուժեր ուղարկել, և նման գործողությունը կդիտվի որպես «թշնամական ակտ»։ Սակայն նա նշել էր, որ իրաքյան զորամիավորումները մարզումների կարիք ունեն:
Հիշեցնենք, որ 2015-ի մարտին Իրաք այցի ժամանակ Թուրքիայի պաշտպանության նախարար Իսմեթ Յըլմազը հայտարարել էր, որ իր երկիրը պատրաստ է շարունակել Իրաքի կառավարական ուժերի և քրդական Փեշմերգեի մարտիկների մարզումներն ու զինումը, Իրաքին օգնել ռազմավարական նշանակություն ունեցող Մոսուլ քաղաքի ազատագրման ժամանակ, ինչպես նաև ճամբարներ հիմնել քաղաքը լքողների համար:
Թուրքիայի պաշտպանության նախարարի այցից որոշ ժամանակ անց Մոսուլի նախկին քաղաքապետը հայտարարել էր, որ թուրքական ռազմական հրահանգիչներն Իրաքի տարբեր ռազմաբազաներում սկսել են մարզել սուննի զինյալներին, ովքեր առաջիկայում մասնակցելու են Մոսուլի՝ «Իսլամական պետություն» ահաբեկչական կազմակերպությունից ազատագրելու գործողությանը:
Իսկ 2015-ի ապրիլին արաբական Ալ Ջազիրա հեռուստաալիքի թուրքական մասնաճյուղը հայտնել էր, որ Մոսուլի մոտակայքում տեղակայված ռազմական ճամբարում Թուրքիայի ԶՈւ շուրջ 150 հատուկջոկատայիններ (բոսորագույն բերետներ՝ Bordo berelileri) Մոսուլն «Իսլամական պետություն» ահաբեկչական խմբավորումից ազատագրելու համար մարզում են Իրաքի կենտրոնական կառավարության, ինչպես նաև քրդական Փեշմերգե զորամիավորումները:
«Ալ Ջազիրա թուրքը» նաև տեսագրություն էր հրապարակել ճամբարում անցկացվող մարզումներից:
Pingback: Իրաքի կառավարությունը Թուրքիայից պահանջում է դուրս բերել զորքերն իր տարածքից | Ռազմ.info
Pingback: Ռազմաշաբաթ. Թուրքիա. նոյեմբերի 29 – դեկտեմբերի 5, 2015 | Ռազմ.info
Pingback: Իրաքը չի բացառում ռուսական միջամտությունը, եթե Թուրքիան զորքերը դուրս չբերի | Ռազմ.info
Pingback: ԱՄՆ-ն դեմ է առանց Իրաքի համաձայնության այդ երկիր զորք մտցնելուն | Ռազմ.info
Pingback: Իրաքը խնդրում է ՆԱՏՕ-ի օգնությունը՝ թուրքական զորքերը դուրս բերելու համար | Ռազմ.info
Pingback: Իրաքյան Քրդստանի ղեկավարը հանդիպել է Թուրքիայի նախագահին և վարչապետին | Ռազմ.info
Pingback: Իրաքը Թուրքիայի հարցով դիմել է ՄԱԿ-ի Անվտանգության խորհրդին | Ռազմ.info
Pingback: Զորքերն Իրաքից դուրս բերելը քննարկման առարկա չէ. Էրդողան | Ռազմ.info
Pingback: ԻՊ գրոհայինների հրթիռակոծությունից Իրաքում վիրավորվել է 4 թուրք զինծառայող | Ռազմ.info
Pingback: ԱՄՆ փոխնախագահը Թուրքիային կոչ է արել դուրս բերել զորքերն Իրաքից | Ռազմ.info
Pingback: Թուրքիան դուրս է բերում զորքերն Իրաքի Մոսուլ քաղաքի շրջակայքից | Ռազմ.info
Pingback: Հս. Իրաքի Քրդական ինքնավարության վարչապետը Թուրքիայում հանդիպել է էրդողանին և Դավութօղլուին | Ռազմ.info
Pingback: ԻՊ-ն հարձակվել է Իրաքի «Բեշիքա» ռազմական ճամբարի թուրքական ուժերի վրա | Ռազմ.info
Pingback: Իրաքը զգուշացնում է Թուրքիային՝ դուրս բերել զորքերը Իրաքի տարածքից | Ռազմ.info
Pingback: «Իսլամական պետությունը» հարվածել է Իրաքում թուրք զինծառայողների բազային | Ռազմ.info
Pingback: Թուրքիայի և Իրաքի վարչապետերը քննարկել են Իրաքում Թուրքիայի ԶՈւ ստորաբաժանումների հարցը | Ռազմ.info
Pingback: Անկարան և Բաղդադը համաձայնության չեն եկել Իրաքից Թուրքիայի ԶՈւ դուրսբերման վերաբերյալ | Ռազմ.info