Բախումներ Թուրքիայում. թարմացվող լրահոս, հոկտեմբերի 1

Թուրքիայի քրդաբնակ շրջաններում «Քրդստանի աշխատավորական կուսակցության» (PKK) և Թուրքիայի ուժայինների միջև բախումներում այսօր՝ հոկտեմբերի 1-ին՝ 17։05 դրությամբ սպանվել է 3 ուժային, PKK-ի 7 զինյալ, «Արդարություն և զարգացում» կուսակցության 1 անդամ, վիրավորվել է 10 ուժային, 9 քաղաքացիական, ձերբակալվել է 11 մարդ։  Ռազմինֆոն հետևում է իրադարձություններին և թարմացնում օրվա լրահոսը։

17։14
Դողան․ Թուրքիայի հարավարևելյան նահանգում անվտանգության ուժերի հատուկ գործողության արդյունքում PKK-ի զինյալներին պատկանող զենք-զինամթերք է առգրավվել։

PKK-ի զինյալներին պատկանող զենք-զինամթերք է առգրավվել․ աղբյուրը՝ Դողան լրատվական գործակալության

17։05
Իհլաս․ Թուրքիայի հարավարևելյան Շրնաք նահանգի Բեյթյուշեբափ գավառում PKK-ի զինյալների իրականցրած պայթյունի հետևանքով սպանվել է մեկ զինծառայող, ևս մեկը վիրավորվել է։

Պայթյուն Շրնաքում․ աղբյուրը՝ IMCTV լրատվական կայքի

16։46
CNN Turk. Թուրքիայի քրդամետ «Ժողովուրդների դեմոկրատական կուսակցության» (HDP) պատգամավորները ցուցադրաբար լքել են մեջլիսի դահլիճն այն պահին, երբ նախագահ Ռեջեփ Թայիփ Էրդողանը մոտեցել է ամբիոնին՝ ելույթ ունենալու։

HDP-ի պատգամավորները ցուցադրաբար լքել են մեջլիսի դահլիճը․ աղբյուրը՝ CNN Turk լրատվական կայքի

15:56
Զաման․ Թուրքիայի Մարդին նահանգի Նուսայբին գավառում անվտանգության ուժերի և PKK-ի զինյալների բախման արդյունքում 6 զինծառայող վիրավորվել է, PKK-ի մեկ զինյալ` սպանվել։

Անվտանգության ուժերի և PKK-ի զինյալների բախման արդյունքում 6 զինվոր վիրավորվել է և PKK-ի մեկ զինյալ է սպանվել․ աղբյուրը՝ Զաման լրատվական կայքի

13:10

PKK-ի զինյալները պայթեցրել են Ամանոս լեռան շրջանում տեղակայված էլեկտրասյուններից մեկը

Իհլաս․ Թուրքիայի հարավային Հաթայ նահանգի Դյուրթյոլ գավառում PKK-ի զինյալներն ինքնաշեն պայթուցիկով պայթեցրել են Ամանոս լեռան շրջանում տեղակայված էլեկտրասյուններից մեկը, ինչի հետևանքով այն վայր է ընկել։

12:10

Ուժայինները հայտնաբերել են Քըզըլթեփե-Շենյուրթ ճանապարհին PKK-ի զինյալների տեղադրած պայթուցիկ սարքը։

Իհլաս․ Թուրքիայի հարավարևելյան Մարդին նահանգի Քըզըլթեփե գավառում ուժայինները հայտնաբերել և ոչնչացրել են Քըզըլթեփե-Շենյուրթ ճանապարհին PKK-ի զինյալների տեղադրած պայթուցիկ սարքը։ Ուժայինները ժամանակավորապես փակել են ճանապարհը։

11։20

Բիթլիսում ուժայինների ձեռնարկած հատուկ գործողությունների արդյունքում սպանվել է PKK-ի 6 զինյալ։

Դողան․ Թուրքիայի արևելյան Բիթլիս նահանգի Սեհիի շրջանում սեպտեմբերի 28-30-ն ուժայինների ձեռնարկած հատուկ գործողությունների արդյունքում սպանվել է PKK-ի 6 զինյալ, շարքից հանվել են նրանց բնակավայրերը։
Հատուկ գործողություններին մասնակցել են զինված ուժերի 8-րդ կորպուսի, Դաթվանի 10-րդ դիվերսիոն բրիգադի, Բիթլիսի ժանդարմերիայի հրամանատարությունները, անվտանգության ծառայության և ժանդարմերիայի հատուկ նշանականության ջոկատները և շրջանի քորուջուները։

Հիշեցնենք, որ թուրք-քրդական հարաբերությունների՝ վերջին շաբաթների սրման պատճառը հուլիսի 20-ին Թուրքիայի հարավային Սուրուչ քաղաքում քրդերի դեմ ձեռնարկված ահաբեկչությունն էր, որի համար թուրքական իշխանությունները մեղադրեցին «Իսլամական Պետության» (ԻՊ) զինյալներին, իսկ քրդերը՝ նաև թուրքական իշխանություններին։ Սրան հաջորդեցին Թուրքիայում քրդերի և ԻՊ կողմնակիցների ձերբակալությունները։

Հուլիսի 23-ին ԻՊ ահաբեկիչների կրակոցներից զոհվեց թուրք-սիրիական սահմանում ծառայություն իրականացնող Թուրքիայի ԶՈւ մեկ ենթասպա, ևս երկու զինծառայող վիրավորվեցին, ինչին ի պատասխան թուրքական օդուժը սկսեց Սիրիայում և Իրաքում հարվածել ԻՊ-ի ու նաև «Քրդստանի աշխատավորական կուսակցության» (PKK) դիրքերին:

Լրահոսը թարմացնում են Սոնա Սուքիասյանը, Նանե Մանասյանը, Անահիտ Չալիկյանը