Ադրբեջանի ՊՆ Հասանովն այցելել է առաջնագծի զորամասեր ու մարտական դիրքեր • Ադրբեջանը գնդակոծությունից պաշտպանվելու համար սահմանամերձ գոտում կառուցում է պատեր • Ռազմինֆոն ամփոփել է հունիսին ադրբեջանական զինուժի անձնակազմի կորուստները • Ադրբեջանում «պաշտոնապես հանրությանն են ներկայացրել» բանակի կին դիպուկահարներին • Ադրբեջանում մեկնարկել է ամառային զորակոչը • Զաքիր Հասանովը մեկնել է Լիտվա և Լատվիա
• Ադրբեջանի պաշտպանության նախարար, գեներալ-գնդապետ Զաքիր Հասանովն այցելել է երկրի զինված ուժերի՝ առաջնագծում տեղակայված մի շարք զորամասեր և դիրքեր, որտեղ ծանոթացել է մարտական հերթապահության իրականացման պայմաններին և ստորաբաժանումների մարտավարական պատրաստվածության աստիճանին։
• Ադրբեջանում սահմանամերձ գյուղերի բնակչությանը «հայկական զինուժի գնդակոծություններից» պատսպարելու նպատակով Թարթառի շրջանի (սահմանակից է Արցախին) Վերին Ղափանլը և Վերին Ղարադաղլը գյուղերում կառուցում է պաշտպանական պատ։
• Ռազմինֆոյի՝ բաց աղբյուրների մշտադիտարկման արդյունքում 2015-ի հունիսին Ադրբեջանի պաշտպանական և անվտանգության համակարգերում արձանագրվել է մահվան 12 դեպք, վիրավորման դեպքեր չեն արձանագրվել։ Մահացածներից մեկը ԱԻՆ զինծառայող էր, 3-ը՝ սահմանապահ պետական ծառայության, մնացած 8-ը՝ զինված ուժերի։
• Զաքիր Հասանովի՝ հունիսի 29-ին զինված ուժերի ուսումնական նոր կենտրոն կատարած այցը լուսաբանելիս երկրի ՊՆ մամուլի ծառայությունն առանցքային տեղ է հատկացրել վարժադաշտում ներկա երկու կին դիպուկահարներին:
• Հուլիսի 1-ին Ադրբեջանում մեկնարկել է զինվորական ծառայության զորակոչը և ժամկետային զինծառայությունն արդեն ավարտած զինծառայողներին պահեստազոր զորացրումը։ Համաձայն Ադրբեջանի՝ «Զինապարտության մասին» օրենքի՝ գործընթացը կտևի մինչև հուլիսի 30-ը։
• Հուլիսի 1-ին Ադրբեջանի պաշտպանության նախարարը պաշտոնական այցով մեկնել է Լիտվա և հանդիպել այդ երկրի պաշտպանության նախարար Յուոզաս Օլեկասին: Հուլիսի 3-ին Հասանովը պաշտոնական այցով մեկնել է Լատվիա, որտեղ էլ հանդիպել է այդ երկրի պատշպանության նախարար Ռայմոնդ Վեոնիսին։
Ռազմաշաբաթը նաև՝
Pingback: Ռազմաշաբաթ․ Հայաստան․ 28 հունիսի – 4 հուլիսի, 2015 | Ռազմ.info