ԱՄՆ-ն 360 մլն դոլար կուղղի սիրիացի փախստականներին օգնելուն

ԱՄՆ-ն ավելի քան 360 միլիոն դոլարի օգնություն է տրամադրելու Սիրիայի քաղաքացիական պատերազմից տուժածներին: Այս մասին հունիսի 25-ին Փախստականների համաշխարհային օրվա կապակցությամբ հայտարարել է ԱՄՆ նախագահի՝ ազգային անվտագության խորհրդական Սյուզան Ռայսը: Հայտնում է ԱՄՆ Պետդեպարտամենտի կայքը:

Թուրքիայի` Սիրիային սահմանակից Աքչաքալե գավառի սահմանը հատել փորձող սիրիացիները. 13.06.2015

Թուրքիայի` Սիրիային սահմանակից Աքչաքալե գավառի սահմանը հատել փորձող սիրիացիները. 13.06.2015

Նոր ֆինանսական աջակցությունն ԱՄՆ-ի՝ այս ֆինանսական տարում Սիրիային տրամադրած մարդասիրական օգնությունը կհասցնի 1,1 մլրդ, իսկ քաղաքացիական պատերազմի մեկնարկից (2011 թ.) մինչ օրս տրամադրված օգնությունը՝ 4 միլիարդ ամերիկյան դոլարի:

Ֆինանսավորում աջակցելու է նաև Սիրիայի փախստականներին մարդասիրական օգնություն տրամադրող կազմակերությունների, այդ թվում՝ՄԱԿ-ի, ներառյալ՝ ՄԱԿ-ի փախստականների հարցերով գերագույն հանձնակատարի (UNHCR), ՄԱԿ-ի Մանկական հիմնադրամի (UNICEF) Մարդասիրական գործերի համակարգման գրասենյակի (OCHA) ծրագրերին, ինչպես նաև այլ կառավարական և ոչ կառավարական կազմակերպւոթւյունների ու պետությունների կառավարությունների: Այն նաև ապաստան, ջուր, սնունդ և բժշկական օգնություն է տրամադրելու  Սիրիայի տարածքում ապրող միլիոնավոր կարիքավորների և փախստականների:

Ստորև ներկայացնում ենք ԱՄՆ-ի՝ Սիրիայի փախստականներին աջակցելու համար տրամադրված օգնության ծավալները՝ ըստ կազմակերպությունների և ըստ երկրների:

Կազմակերպություն Նոր օգնություն (մլն $) 2012-ից մինչ օրս (մլն $)
UNHCR 131 1046
WFP 2 1171
ՀԿ-ներ 114 948
UNICEF 53 354
UNRWA 13 260
ICRC 35 138
Այլ կազմակերպություններ 53
IOM 6 32
UNFPA 2 28
OCHA 3 10
Այլ (կառ.) 0,2 7
Ամբողջական 360 4046
Երկիր Նոր օգնություն (մլն $) 2012-ից մինչ օրս (մլն $)
Սիրիա 180 2008
Լիբանան 77 869
Հորդանան 47 603
Թուրքիա 32 291
Իրաք 18 183
Եգիպտոս 7 84
Տարածաշրջան 8
Ամբողջական 360 4046

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *