Թուրքիայի ԶՈւ գլխավոր շտաբի, պաշտպանության նախարարության և առողջապահության նախարարության ստորագրած արձանագրությամբ՝ այսուհետ զինվորական հոսպիտալներում աշխատելու իրավունք կունենան ոչ միայն զինվորական բժիշկները, այլև պարտադիր զինծառայության զորակոչված քաղաքացիական բժիշկները։
Թուրքիայի ԶՈւ զինծառայողներ
Այս մասին ապրիլի 19-ին հայտնում է թուրքական պետական «Անադոլու» լրատվական գործակալությունը, ում այդ տեղեկությունը հաղորդել է Թուրքիայի առողջապահության նախարարության քարտուղարի օգնական Հուսեյն Չելիքը։
Կնքված համաձայնագիրը ներառում է համագործակցություն թիկունքային գործողություններում, կրթության և առողջապահության ոլորտներում։ Առողջապահության նախարարությունը պարտավորվում է անցկացնել նաև համապատասխան ուսուցում այն բժիշկների համար, որոնք պետք է աշխատեն զինվորական հիվանդանոցներում։
Չելիքն ավելացրել է, որ «վճար ծառայության դիմաց» օրենքի ներդրումից հետո Թուրքիայի զինված ուժերում զգացվեց բժիշկների պակաս։ Կնքված համաձայնագրով նախատեսվում է լրացնլ այդ բացը։