Ադրբեջանի պաշտպանության նախարար, գեներալ-գնդապետ Զաքիր Հասանովի գլխավորած պատվիրակությունը պաշտոնական այցով մեկնել է Խորվաթիա: Վերջինիս դիմավորել է Խորվաթիայի պաշտպանության նախարար Անտե Կոնտրոմանովիչը: Այս մասին հայտնում է Ադրբեջանի ՊՆ կայքը:
Նախարարների հանդիպումը տեղի է ունեցել ըստ արարողակարգի կազմակերպված ընդունելության արարողությունից հետո: Հանդիպման ժամանակ քննարկվել են երկկողմ համագործակցության հեռանկարները, այդ թվում՝ ռազմական, ռազմատեխնիկական և ռազմակրթական ոլորտներում համագործակցության հստակեցման հարցերը։
Այնուհետև Զաքիր Հասանովի գլխավորած պատվիրակությունը հանդիպել է Խորվաթիայի արտգործնախարար Յոշկո Կլիսովիչին և տնտեսական պալատի նախագահ Լյուկա Բուրիլովիչին։ Հանդիպումների ժամանակ քննարկվել են ինչպես երկու երկրերի հարաբերությունները, այնպես էլ տարածաշրջանային անվտանգությանը վերաբերող հարցեր։
Հավելենք, որ Խորվաթիայից հետո՝ մարտի 12-ից 14-ը, նախատեսվում է Ադրբեջանի պաշտպանության նախարարի այցը նաև Սլովենիա։
Pingback: Զաքիր Հասանովի գլխավորած պատվիրակությունը մեկնել է Սլովենիա | Ռազմ.info